Professor-o’qituvchilarning o’rtacha yoshi 47 yoshga to’g’ri keladi. Kafedraning ilmiy salohiyati 40 % ni tashkil etadi.

Kafedra bazasida bugungi kunda 5410500-“Qishloq xo’jaligi mahsulotlarni saqlash va dastlabki ishlash texnologiyasi” va 532100- oziq-ovqat texnologiyasi  yo’nalishlari bo’yicha 303 nafar o’g’il bolalar va 99 nafar qiz bolalar tahsil olib, bakalavr akademik darajasini oladilar.

Laboratoriya mashg’ulotini  o’tkazish jarayoni

Xozirgi kunda kafedrada yuqori darajada mashg’ulotlarni olib borish uchun sharoitilar yaratilgan, 1 ta kompyuter sinfi, 3 ta multimediya xonasi va 7 ta o’quv xonalari mavjud bo’lib ko’rgazmali qurollar va texnik jixozlar bilan jixozlangan.

Kafedrada 34 ta fan o’tilib, xar bir fan uchun o’quv-uslubiy majmualar tayyorlandi, o’quv uslubiy majmualar 10 nusxadan ko’paytirilib, universitet kutubxonasiga topshirildi. O’quv uslubiy majmualarni elektron versiyalari kafedraning ko’mpyuter xonasiga joylashtirilgan. Kafedra o’qituvchilari tomonidan o’zlarining fanlaridan xar bir mavzu bo’yicha taqdimotlar tayyorlandi. Darslar ZPT va AKT dan foydalanilgan xolda olib borilmoqda.  

Kafedraning ilmiy tadqiqot ishi “Qishloq xo’jaligini kompleks mexanizatsiyalashtirish va mahsulotlarni qayta ishlashda yuqori samarali texnik vositalarni ishlab chiqish” mavzusiga birlashtirilgan. 2003 yildan texnika fanlari doktori, professor  K.K. Nuriev  rahbarligidagi ilmiy guruh “Tuproqqa ishlov beruvchi mashinalarning yuqori samarali ishchi  organlarini  izlash va ishlab chiqish” mavzusidagi loyihasi P-19.5 va 2006 yildan esa  shu guruh V-13-282 “Resurs tejovchi va ishlash davrida yuqori ish unumdorligini ta’minlovchi  tuproqqa ishlov beruvchi mashinalarning tez ajraluvchi va aylantirma tuzilmali ishchi organlarining yangi konstruktsiyalarni ishlab chiqish” mavzularidan Davlat granti olishga muvaffaq bo’lganda amaliy loyihalar bajarilgan.

Bu loyihalar bo’yicha ishlar muvaffaqiyatli yakunlangan va natijalar bo’yicha bir nafar fan doktori va fan nomzodlari, magistrlar va ko’plab bakalavrlar tayyorlangan. Yigirmadan ortiq patentlar olingan, 75 dan ortiq ilmiy ishlanmalar chop etilgan.

Qishloq xo’jaligi fanlari nomzodi G.K.Mirsharipova rahbarligidagi ilmiy guruh 2006-2008 yillarda A-8-161 “Xorijdan keltirilgan no’xat navlaridan Mirzacho’l sharoitiga moslashgan navlarni tanlash va etishtirish texnologiyasini yaratish” mavzusidagi Davlat granti asosida ilmiy tadqiqot ishlari olib borib, tadqiqot natijalari asosida bitta fan nomzodi tayyorlandi, 20 ortiq ilmiy maqolalar chop etilgan. 2011-2013 yillarda yangi yaratilgan «Xalima» va «Malxotra» no’xat navlari uchun ikkita patent olindi va ushbu no’xat navlari 2012 yil O’zbekiston Respublikasi Davlat nav sinash komissiyasi tomonidan lalmi erlarda etishtirish uchun istiqbolli deb topildi.

2012-2014 yillarda prof.K.Nuriev rahbarligidagi yangi ijodiy guruh            ATD-9-24  davlat granti asosida “Sifatli mahsulotlarni uzluksiz ishlab chiqarishni ta’minlovchi qishloq xo’jalik chiqindilarini organik o’g’itlarga qayta ishlash liniyasining yuqori samarali, resurs tejamkor, ekologik toza innovatsion texnologiyalar va texnik vositalarni ishlab chiqish” mavzusida 140 mln. so’mlik amaliy loyihani muvaffaqiyatli yakunladilar. 2015 yildan esa kafedra dosenti t.f.n. O. Raxmatov rahbarligidagi ijodiy guruh yangi A-9-30 “ Uzum maxsulotlarini qayta ishlashning resurs tejamkor yuqori samarali texnologiyasini ishlab chiqish” mavzusidagi amaliyi grant loyixasi ustida ilmiy tadqiqod ishlarini olib bormoqdalar.

Kafedra ToshDTU,  ToshDAU, JizPI, FarPI, TESI, TAYaI, O’zMEI,  O’zPITI, Buxoro oziq-ovqat va engil sanoat texnologiya instituti, Toshkent kimyotexnologiya instituti, O’zBUVITI, Qo’qonDPI, O’zPFITI,  QarMII kabi ko’plab OTM va  ilmiy tadqiqot institutlari va ishlab chiqarish korxonalari bilan  ilmiy–amaliy aloqalar o’rnatgan.

BMKB “Agromash”, OAO Chirchiqqishloqmash,  Baxtqishloqmash, TTZ ASBOB ShK, Baxt TTMZ, “B-Altayserviz” OAO “Ekskovator texnoservis”,  Guliston yog’ ekstrakt hissadorlik jamiyati, Sardoba paxta tozalash ochiq  turdagi hisadorlik jamiyati bilan ijodiy hamkorlik ishlarini olib bormoqda.

Talabalar ochiq turdagi «Sardoba» paxta tozalash hissadorlik jamiyatida amaliyot jarayonidai