Joriy yilning 21-may kuni Guliston davlat universiteti bosh binosi majlislar zalida O‘zbekiston Respublikasi Prezidentining 2019-yil 7-iyundagi “O‘zbekiston Respublikasi aholisiga axborot-kutubxona xizmati ko‘rsatishni yanada takomillashtirish to‘g‘risi”dagi PQ-4354 sonli qaroriga asosan tantanali bayram tadbiri o‘tkazildi. Tadbirda universitet Ilmiy ishlar va innovatsiyalar bo‘yicha prorektor Amaliddin Sulaymonov, Kasaba uyushmasi raisi Yusufaliyev Abduraxmon, Ma’naviy-ma’rifiy va yoshlar bilan ishlash bo‘yicha bo‘lim boshlig‘i Abdurasulov Shermuhammad, 22 nafar ARM xodimlari va boshqalar ishtirok etdilar.

Tadbirni ARM direktori Obidjon Oqyigitov kirish so’zi bilan ochib barcha xodimlarni kasb bayrami bilan tabrikladi va birinchi bo’lib tabrik uchun so’zni universitet Ilmiy ishlar va innovatsiyalar bo’yicha prorektor Amaliddin Sulaymonovga berdi.

A.Sulaymonov barcha kutubxonachilarni 21 may - Kutubxonachilar kuni bilan universitet rektori nomidan tabriklab, bugungi taraqqiyot davrida OTMlar Axborot-resurs markazlarining o’rni, uning ahamiyati, kutubxonachilik sohasiga davlat boshqaruvi tomonidan ko’rsatilayotgan e’tibor, kutubxonachilarning mashaqatli va sharafli faoliyati hamda ularni ta’lim sohasiga qo’shayotgan hissalari to’g’risida so’z yuritdi. Shu jumladan, ushbu yo’nalishda bizning ARM xodimlarining qo’shayotgan hissalari, ta’limni masofadan tashkil etishdagi o’rni va xarakatlarini yuksak baholab, barcha xodimlarga o’zining iliq tabrigini aytdi.

So’zga chiqqan universitet Kasaba uyushmasi raisi A.Yusufaliev, Ma’naviy ma’rifiy va yoshlar bilan ishlash bo’yicha bo’lim boshlig’i Sh.Abdurasulov va boshqalar ham kutubxonachilarni kasb bayrami bilan tabriklab, ularga ulkan zafarlar tiladilar.

Tadbir davomida ARMda ko’p yillardan beri samarali mehnat qilib, yuqori ko’rsatkichlarga erishgan bir qator kutubxonachilar universitet rektorining faxriy yorliqlari va Kasaba uyushmasining qimmatbaho sovg’alari bilan taqdirlandilar.

Tadbir so’ngida ARM direktori O.Oqyigitov universitet rahbariyatiga ARM xodimlari nomidan chuqur  minnatdorchilik bildirdi.