O’zbekiston Respublikasi Prezidentining 2017 yil 5 iyulda qabul qilingan “Yoshlarga oid davlat siyosati samaradorligini oshirish va O’zbekiston yoshlar ittifoqi faoliyatini qo’llab-quvvatlash to’g’risida”gi PF-5106-sonli Farmoni hamda Oliy va o’rta maxsus ta’lim vazirligining hamkor tashkilotlar bilan tasdiqlangan “O’zbekiston Respublikasi Oliy va o’rta maxsus ta’lim vazirligi tizimida 2018 yilda yoshlarga oid davlat siyosatini amalga oshirish bo’yicha qo’shimcha chora-tadbirlar dasturi” ijrosini ta’minlash maqsadida oliy ta’lim muassasalarida tahsil olayotgan talabalarni O’zbekistonning eng yangi tarixi davrida siyosat va huquq sohalarida amalga oshirilgan islohotlar, o’zgarishlar va erishgan yutuqlar bo’yicha tarix, siyosiy-huquqiy bilimlari darajasini aniqlash, nazariy bilimlarini hayotga tadbiq etish ko’nikmalarini shakllantirish, ularga o’z iqtidorini namoyish qilishlari uchun imkoniyat yaratish maqsadida oliy ta’lim muassasalari talabalari o’rtasida “Tafakkur sinovlari” respublika tanlovitashkil etilgan.

Mazkur tanlovning ikkinchi saralash bosqichi 2018 yil 11 aprel kuni  Jizzax davlat pedagogika institutida o’tkazildi.

Tanlovda Guliston davlat universiteti, Jizzix Politexnika instituti va Jizzax davlat pedagogika instituti jamoalari o’zaro bellashdilar.

Ushbu tanlovda Guliston davlat universitetining “Milliy ruh” jamoasi ikkinchi o’rinni egalladi.