2018 yil 23 may kuni Guliston davlat universiteti madaniyat saroyida professor-o’qituvchilar va talabalar o’rtasida “Korruptsiyaga qarshi kurashishning dolzarbligi” mavzusida yig’ilish o’tkazildi.

Yig’ilishni Ma’naviy-ma’rifiy ishlar bo’yicha prorektor R.Mahmudov olib bordi. Yig’ilishda Sirdaryo viloyati bosh imom xatibi M.Usmonov ishtirok etdi.

Yig’ilishda so’zga chiqqanlar Yurtimizga ro’zayu-ramazon oyi kirib kelgani, bu oy poklik, halollik, ezgulik ulashuvchi oy hisoblanishi, turli mamlakatlardagi urushlar ham, nomaqulchiliklar ham bu oyda to’xtatib turilgani haqida gapirdi. Shuningdek, har bir inson halol bilan haromni,  gunoh bilan savobni farqiga borishi lozim. Talabalarning hayotga ongli munosabatini, dunyoda va mamlakatimizda sodir bo’layotgan o’zgarishlarga daxldorlik tuyg’usini kuchaytirish tobora dolzarb ahamiyat kasb etayotgani, bu borada yoshlarimiz o’zlarining zehnli va zukko, hushyor ekanliklarini doimo namoyon etishlari zarurligini ta’kidlab o’tdi hamda eng katta jinoyat, gunoh bu ta’magirlik, poraxo’rlik, pora berish, vositachilik ekanligi, muqaddas kitoblarda ham poraxo’rlik, ta’magirlik va pora berish kechirilmas gunoh ekanligi qayd etilganligi, bu illatning saobiy oqibatlarini hayotiy misollar bilan tushuntirib berishdi.

 Yig’ilish davomida odob masalasiga to’xtalib, alloh ham, odamlar ham yaxshi ko’radigan foydali odatlar bu odob ekanligi, odob muhim qoidalardan va chiroyli so’zlardan iboratligi, salomlashish odobi, so’zlash odobi, mehmon kutish odobi, kiyinish odobi, ovqatlanish odobi, uxlash odobi kabi odoblar haqida gapirildi.

Mazkur tadbirda 265 nafar professor-o’qituvchilar va 130 nafar talabalar ishtirok etdi.