Ёшлар ўртасида китобхонлик маданиятини шакллантириш машхур, мумтоз ва замонавий бадиий хамда илмий оммабоп асарларни , шунингдек, марказий Осиё ва Ўзбекистон буюк тарихчилари, шоирлар, ёзувчилари ва давлат арбобларининг асарларини талабалар ўртасида тарғиб этиш мақсадида жорий йилнинг 4 апрель куни Ўзбекистон Республикаси Президенти Шавкат Мирзиёевнинг “Олий Мажлисга Мурожаатномаси” китобининг тақдимоти ўтказилди. Тақдимот давомида университет Ахборот-ресурс маркази директори Обиджон Оқйигитов  ҳамда Миллий ғоя, маънавият асослари ва ҳуқуқ таълими кафедрасининг катта ўқитувчиси Йўлдош Каримовлар ушбу китобнинг мазмун моҳияти тўғрисида сўз юрита туриб, Мурожаатномада асосан мамлакатимизнинг 2018 йил инновацион ривожланишдаги устувор йўналишлари очиб берилганлигини айтиб ўтишди. Тадбирда қатнашган талабалар Мурожаатнома билан танишиб чиққанлиги, унда кўрсатилган устувор йўналишлар тўғрисида етарлича маълумотга эга бўлганлиги давра суҳбатини қизиқарли ва сермаҳсул ўтишини таъминлади. Қатнашчилар тадбир давомида ўзларини қизиқтирган саволларига тўлиқ жавоблар олишди.

Ахборот-ресурс маркази етакчи мутахассиси

О.Ибрагимова