2018  йил 9 июнь куни Гулистон давлат университетида “Ягонасан, муқаддас Ватан!” кўрик-танловининг иккинчи босқичи ўтказилди.

Ушбу кўрик-танлов умуминсоний қадриятларни асраб-авайлашга, буюк аждодларимизга муносиб бўлиш, иқтидорли йигит-қизларни аниқлаш, мамлакатимизда амалга оширилаётган кенг кўламли ислоҳотларда ёшларнинг фаол иштирокини таъминлаш, талаба-ёшларни саньатга муҳаббат руҳида тарбиялаш ва маънавий камолотга йўналтириш, иқтидорли ёшларга ўз имкониятларини юзага чиқаришига шароитлар яратиш мақсадида ўтказилди.

“Ягонасан, муқаддас Ватан!” кўрик-танловида олий таълим муассасалари қуйидаги қўшиқлар билан иштирок этди:

1. Гулистон давлат университети. Кичик хор жамоаси.  

Х.Қаюмов шеъри, А.Мансуров мусиқаси билан “Хур Республикам” асари.

1. Жиззах Политехника институти.

Б.Рашидова шеъри, Ў.Савопов мусиқаси билан “Ватан қароғимдасан” қўшиғи.

1. Жиззах давлат педагогика институти.

Н.Нарзуллаев шеъри, А.Худойшукуров мусиқаси билан “Жиззах эли бу” қўшиғи.

Танлов натижалари бўйича ҳакамлар ҳайъати қарорига асосан Гулистон давлат университети 1-ўрин, Жиззах Политехника институти 2-ўрин, Жиззах давлат педагогика институти 3-ўринга сазовор бўлишди ва “Ягонасан, муқаддас Ватан!” кўрик-танловининг кейинги босқичига Гулистон давлат университетининг “Кичик хор жамоаси” йўлланма олишди.

Кўрик-танлов якунида иштирокчилар Гулистон давлат университети раҳбарияти томонидан дипломлар билан тақдирланди.

Поделиться в социальных сетях