O‘zbekiston Respublikasi Oliy ta’lim, fan va innovatsiyalar vazirligining tegishli buyrug’i bilan tasdiqlangan Oliy o‘quv yurtining Kengashi to‘g‘risidagi Nizom asosida Guliston davlat universiteti kengashi tashkil etilgan va hozirgi kunda o‘z faoliyatini olib bormoqda.
Universitet Kengashiga 2017-yil noyabr oyidan boshlab t.f.d., professor M.T.Xodjiyev rahbarlik qilib kelmoqda. Kengash tarkibida 68 nafar a’zo bo‘lib, ular universitet Kengashi tomonidan tasdiqlangan.
Kengash tarkibi har o‘quv yilining boshida ko‘rib chiqilаdi va lavozim vazifalariga ko‘ra yangi a’zolar saylanаdi.
Hozirgi kunda universitet kengashi tarkibida universitet rektori, prorektorlar, fakultet dekanlari, kafedra mudirlari, kafedra professorlari, tegishli bo‘lim boshliqlari, universitet tasarrufidagi Akademik litsey va texnikumlar direktorlari, universitet kasaba uyushma qo‘mitasi raisi, Xotin-qizlar maslahat Kengashi raisi, Yuriskonsult, Yoshlar ittifoqi universitet BT yetakchisi a’zo sifatida faoliyat ko‘rsatmoqda.
Universitet Kengashning asosiy vazifasi universitet jamoasi sa’y-harakatlarini birlashtirishdan iborat bo‘lib, birinchi yig‘ilishda Kengashning yillik ish rejasi va tarkibi tasdiqlab olindi. Universitet Kengashi doimiy faoliyat yurituvchi oliy kollegial organ hisoblanib, Kengash O‘zbekiston Respublikasi Konstitutsiyasi va qonunlari, O‘zbekiston Respublikasi Prezidentining qaror, farmon va farmoyishlari, O‘zbekiston Respublikasi Vazirlar Mahkamasining qaror va farmoyishlari, Oliy ta’lim, fan va innovatsiyalar vazirligining Hay’at qarorlari va buyruqlari, Oliy ta’lim to‘g‘risidagi Nizom, Guliston davlat universiteti Ustavi asosida faoliyat yuritadi. Kengash o‘z faoliyatini qonuniylik, oshkoralik, mustaqillik, erkin fikr, kollegiallik va yakkaboshchilikning uyg‘unligi, jamoa fikrini hisobga olish prinsiplari asosida amalga oshiradi.

Kengash yig‘ilishlarida:
-kengash faoliyatini muvofiqlashtirishga oid tashkiliy ishlar;
-universitet Kengashi kun tartibidagi masalalar;
-turli masalalar ko‘riladi.

Bunda:
- ta’lim tizimining barcha sohalari uchun malakali pedagog kadrlarni tayyorlash bo‘yicha o‘quv, metodik, ilmiy va boshqa faoliyatni samarali tashkil etish;
- shaxsning intellektual, madaniy va ma’naviy-axloqiy ehtiyojlarini pedagogik ta’lim olish orqali qondirish, davlat va jamiyatning oliy pedagogik ma’lumotli, malakali mutaxassislar va oliy malakali ilmiy-pedagogik kadrlarga bo‘lgan ehtiyojini qondirish;
- ilmiy va ilmiy-pedagogik kadrlar tayyorlash, fundamental va ilmiy tadqiqotlarni amalga oshirish;
- universitetda normativ-huquqiy hujjatlar, davlat dasturlari, yillik rejalar va Oliy ta’lim, fan va innovatsiyalar vazirligining hay’ati qarorlari va buyruqlarining bajarilishi;
- ijro intizomini mustahkamlash, lavozim (xizmat) vazifalarining o‘z vaqtida va sifatli bajarilishini ta’minlashda universitet rahbarlari va xodimlarining shaxsiy javobgarligini oshirish;
- pedagog kadrlarni qayta tayyorlash va ularning malakasini oshirish;
- ma’naviy-ma’rifiy, o‘quv-uslubiy, tarbiya va ilmiy tadqiqot ishlariga oid tegishli normativ-huquqiy hujjatlar asosida amalga oshirilishi zarur bo‘lgan chora-tadbirlarni ishlab chiqish va amalga oshirish;
- rektor, prorektorlar, fakultet dekanlari, kafedra mudirlari, bo‘lim boshliqlarining universitet zimmasiga yuklatilgan vazifalarni amalga oshirish yuzasidan hisobotlarini eshitish;
- prorektorlar, universitet bo‘limlari, fakultetlari va kafedralari faoliyati tartibi vakolatlarini ko‘rib chiqish;
- O‘zbekiston Respublikasi Oliy Attestatsiya komissiyasiga professor, dotsent ilmiy unvoniga tavsiya qilish kabi masalalarni hal qiladi.
Kengash universitet vakolatiga taalluqli, uning hayoti bilan bog‘liq bo‘lgan kollegial muhokama talab qilinadigan boshqa masalalarni ham ko‘rishga haqli.
Universitet Kengashi tomonidan oxirgi 2 yil davomida O‘zbekiston Respublikasi Oliy Attestatsiya komissiyasiga professor va dosent ilmiy unvonlari olishga ariza bergan 40 dan ortiq talabgorning hujjatlari ko‘rib chiqildi va tavsiya berildi. Bugungi kunda OAK tomonidan ular dosent va professor ilmiy unvonlariga tasdiqlandi.
Universitet Kengashi yig‘ilishlarida 179 nafar mustaqil izlanuvchilar va erkin tadqiqotchilarning doktorlik dissertasiyasi (PhD), (DSc) mavzulari va ilmiy rahbarlari muhokama qilinib tasdiqlandi.

Kengash tarkibi