Ўзбекистон Республикаси Президентининг 2017 йил 19 январдаги ПҚ-2733-сон қарори билан тасдиқланган “Давлат органлари ва ташкилотларнинг юридик хизмати тўғрисида”ги низомга асосан юридик хизмат фаолиятининг асосий йўналишларидан бири давлат органлари ва ташкилоти ходимларининг ҳуқуқий маданияти ва ҳуқуқий саводхонлигини ошириш, уларга қабул қилинаётган норматив-ҳуқуқий ҳужжатларнинг мазмун ва аҳамиятини, шу жумладан замонавий ахборот-коммуникация технологиялари орқали йетказишда иштирок етиши белгиланган.

Юқоридагиларни инобатга олган холда Адлия вазирлигининг ҳуқуқий тарғибот ва маърифатни амалга оширишнинг замонавий механизмларидан фойдаланиш мақсадида ҳозирда аҳоли ўртасида кенг тарқалган “Телеграм” мессенджерида “Ҳуқуқий ахборот” (t.me/huquqiyaxborot) канали очилди.

Каналда қабул қилинган янги қонун ҳужжатлари тўғрисда, шу жумладан Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ҳамда Ўзбекистон Республикаси Маъмурий ислоҳатлар консепсияси доирасида қабул қилинаётган шарҳлар, ҳуқуқий инфографикалар ва аҳолига қизиқ бўлган ҳуқуқий масалалар бўйича маълумотлар қисқа матнларда бериб борилади.

Адлия вазирлиги ҳуқуқий ахборотга, қонунчиликдаги янгиликларга еҳтиёжи бор, бундай янгиликлар билан доимий танишиб бориш истагида бўлган рахбар ва профессор-ўқитувчи ҳодимлар ҳамда талабалар телеграмдаги “Ҳуқуқий ахборот” каналига аъзо бўлишга чақиради.