2018 йил 9 июнь куни Гулистон давлат университетида буюк қозоқ адиби Абай Қўнонбоевнинг ҳаёти ва ижодий фаолиятига бағишланган “Абайды  білмек жақсы ойлы жасқа”   мавзусида маънавий-маърифий тадбир  ўтказилди.

Тадбирда сўзга чиққанлар буюк қозоқ адиби Абай Қўнонбоевнинг ҳаёти, унинг ижодий фаолияти, яратган асарлари, таржималари ҳақида, умуман жаҳон адабиётига қўшган улкан ҳиссаси тўғрисида маъруза қилдилар.

Тадбир давомида “Қозоқ филологияси” йўналиши талабалари ҳамда Сирдарё вилояти қозоқ миллий маданий маркази қошидаги “Балауса” ва “Камалак”  ансамбли томонидан куй-қўшиқлар ва рақслар ижро этилди.

Тадбирда Гулистон давлат университети Маънавий-маърифий ишлари бўйича проректор, доцент Р.Маҳмудов, Республика қозоқ миллий маданият маркази раҳбари С.Н.Усенов,  Академик, ёзувчи, адабиётшунос олим    Қ.Сейданов, ёзувчи, шоир, Абайшунос олим А.Рустамов, ёзувчи, таржимон, Алаш халқаро мукофотининг соҳиби, ёзувчилар уюшмаси  қошидаги қозоқ адабиёти кенгашининг масъул котиби М.Исломқулов, Филология факультети доценти Х.Тоджиев, Филология факультети профессор-ўқитувчилари ва 155 нафар талабалар иштирок этди.

Тадбир сўнгида Республика қозоқ миллий маданият маркази раҳбари С.Н.Усенов Абай Қўнонбоевнинг китобларини эсдалик сифатида университет кутубхонасига тақдим этди.