N.Sultonova 2019 yil “Erasmus plyus” dasturi g‘olibi sifatida Germaniyaning Gyottingen universitetida, Oziq-ovqat havfsizligi laboratoriyasida uch oy davomida stajirovkada bo‘lib kelgan.

2022 yil sentyabrda Buxoro davlat universiteti huzuridagi ilmiy darajalar beruvchi PhD.03/30.12.2019.B.72.02 raqamli Ilmiy kengashda 03.00.07–O‘simliklar fiziologiyasi va biokimyosi ixtisosligida biologiya fanlari bo‘yicha falsafa doktori (PhD) ilmiy darajasini olish uchun “Kartoshkaning fiziologik-biokimyoviy hususiyatlari hamda tuganagining sifat ko‘rsatkichlarida fosfor va kaliyning ahamiyati” mavzusidagi doktorlik dissertatsiyasini himoya qilgan.
Sultonova Nigoraxon Muxammadkodirovna Ilmiy-tadqiqot ishlari bilan bir qatorda 2019 yildan beri universitet Xotin-qizlar masalahat kengashi raisi sifatida faoliyat olib bormoqda. Faoliyati davomida juda ko‘plab tadbirlar, loyihalarga bosh bo‘lgan va xotin-qizlarni jamiyatdagi mavqeini oshirish borasidagi rivojiga salmoqli hissasini qo‘shib kelmoqda.
Bugungi kunga qadar ilmiy faoliyati davomida ilmiy yo‘nalishiga doir 30 ga yaqin umume’tirof etilgan indeksatsiyalangan ma’lumotlar bazalari jurnallarida, xorijiy ilmiy jurnallarda, OAK tasarrufiga kiritilgan ilmiy jurnallarda doimiy ravishda ilmiy maqolalarni chop ettirgan. Xalqaro va Respublika miqyosida o‘tkazilgan ilmiy – amaliy anjumanlarda o‘zining ilmiy maqolalari bilan ishtirok etib ma’ruzalar qilgan.
2018 yil, 2020 yil hamda 2021 yillarda 8-mart “Xotin-qizlar kuni” munosabati bilan fidokorona mehnatlari uchun Oliy va o‘rta maxsus ta’lim vazirligining “Faxriy Yorlig‘i” bilan taqdirlangan.
Ish faoliyati davomida shogirdlari bir nechta nufuzli xalqaro va respublika miqyosida tashkil etilgan ko‘rik-tanlovlarda ishtirok etib yuqori o‘rinlarni egallab kelmoqdalar.
N.M.Sultonova dunyoqarashi keng, innovatsion g‘oyalar targ‘ibotchisi sifatida talabalar va professor-o‘qituvchilarga ilmiy faoliyat olib borishlarida, yangi loyihalar yaratishda o‘z yordamini, maslahatlarini berib kelmoqda.
Respublikada tashkil etilgan “Hududning 100 nafar ixtirochi ayoli” tanlovi g‘olibi, bir necha xalqaro konferentsiyalar ishtirokchisi.
2022 yilda respublika miqyosida o‘tkazilgan “Hududning eng yaxshi innovatsion loyihasi” tanlovida ishtirok etib o‘z yo‘nalishi bo‘yicha g‘olib bo‘lib diplom bilan taqdirlangan.