Жорий йилнинг 2 июнь куни Гулистон давлат университети ҳамда “Болалар шаҳарчаси” ҳамкорлигида “Болаларга беринг дунёни” шиори остида ўтказилаётган акция доирасида “Ҳар бир қиз бўлғуси она” номли кўрик-танлов ташкил этилди.

Ушбу танловни университет ректори, проф. М.Т.Ходжиев очиб берди. У барча болажонларни 1-июнь - “Халқаро болаларни ҳимоя қилиш куни” билан табриклаб, эсдалик совғаларини топширди.

Шундан сўнг беллашув бошланди. Беллашувда университетимиз талабалари Одина Жўрақулова, Мафтуна Маъмурова, Азиза Зулфиқорова ва ГулмираТурдиқуловалар қатнашди.

Танлов 3 шарт бўйича ўтказилди.

1-болажонлар билан бадантарбия машғулотларини бажариш,

2-болажонларга нонушта тайёрлаб бериш,

3-болажонларга эртак айтиб бериш.

Беллашув натижасига кўра Зулфиқорова Азиза 47 балл тўплаб танлов ғолибига айланди.

Танлов иштирокчилари ва ғолибларига университет ректорининг махсус дипломи ва эсталик совғалари топширилди.

Поделиться в социальных сетях