Qoqon olimpiadasining viloyat bosqichi bolib otdi
GulDU - GULISTON DAVLAT UNIVERSITETI

Bizning shior: Universitet obrosihar bir professoroqituvchi, xodim va talabaning ornomusi, iftixori va vijdon ishidir.           Asosiy maqsadimiz: Eng yetuk universitetlar qatoridan joy olish!           Ilm bir shula, dilga tushgan on Shunda bilursankim, ilm bepoyon...
Qoqon olimpiadasining viloyat bosqichi bolib otdi

O’zbekiston Respublikasi Prezidenti Shavkat Mirziyoyevning Oliy Majlisga yo’llagan murojaatnomalarida aks etgan vazifalar ijrosini ta’minlash, xususan yoshlarning eng nufuzli oliygohlarga kirish bo’yicha intilishlarini inobatga olib, bilimli va iqtidorli yoshlarni kashf qilish maqsadida joriy yilning 13-14 mart kunlari matematika fanidan "Qo’qon olimpiadasi" tashkil etilmoqda.

Mazkur olimpiada Qo’qon universiteti tashabbusiga muvofiq "Qorako’l ziyo" NTM bilan hamkorlikda ikki bosqichda (viloyat va respublika) o’tkazilyapti.

Talabgor-o’quvchilar sonining ko’p ekanligini inobatga olib, dastlabki tuman, shahar saralash bosqichi Xalq ta’limi vazirligining bevosita hamkorligi ostida joriy yilning 5-6 fevral kunlari umumta’lim maktablarining 5-11-sinf o’quvchilari o’rtasida tashkil etildi. 

Xususiy maktab o’quvchilarining ham aniq fanlar, xususan matematikaga bo’lgan qiziqishlari hamda mazkur maktablarning umumiy soni katta emasligini inobatga olib, har bir xususiy maktabdan 3 ta guruh, ya’ni 5-6-7-sinf (1-guruh), 8-9-sinf (2-guruh) va 10-11-sinf (3-guruh) kesimida uch nafardan jami 9 nafar o’quvchi viloyat bosqichiga to’g’ridan-to’g’ri yuborilmoqda.

“Qo’qon olimpiadasi”ning viloyat bosqichi Davlat test markazi tomonidan joriy yilning 20 fevral kuni respublikamizning barcha ma’muriy hududlarida, ya’ni oliy ta’lim vazirligi tomonidan belgilab berilgan yirik OTMlari bazasida tashkil etiladi. DTM natijalariga muvofiq har bir hududdan 3 ta guruh bo’yicha 5 nafardan jami 15 nafar g’olib o’quvchi-nomzodlar respublika bosqichiga tavsiya etiladi.

Respublika bosqichi esa Qo’qon universitetida shu yilning 13-14 mart kunlari tashkil etiladi. Yakunlovchi bosqichda Davlat test markazi javoblari asosida har bir hududdan eng yuqori ball to’plagan 5 nafar o’quvchi-nomzod tanlab olinadi. Mazkur bosqich “Qorako’l ziyo” nodavlat ta’lim muassasasi mutaxassislari, ya’ni turli yillarda matematikadan xalqaro va respublika olimpiadalari sovrindorlari tomonidan tuzilgan ikki pog’onali test usulida tanlov asosida tashkil etiladi.

Olimpiada:

— talantli yoshlarni qidirib topish;

— ularning iqtidorini jamiyat rivoji yo’lida safarbar etish;

—  investitsion motivatsiya asosida yosh matematiklarning selektsiyasini amalga oshirish;

— ularning matematik bilimlarini sinovdan o’tkazish;

— nufuzli oliy o’quv yurtlarida tahsil olishlariga ko’maklashish va shu asosda texnik taraqqiyotning jadallashishiga zamin yaratishga xizmat qiladi.

Olimpiada g’oliblari munosib mukofotlanadilar!

* Birinchi guruh, ya’ni 5-6-7-sinf o’quvchi-talabgorlari o’rtasida birinchilikni qo’lga kiritgan nomzodga “Nexia” avtomobili sovg’a qilinadi.

* Ikkinchi guruh, ya’ni 8-9-sinf o’quvchi-talabgorlari o’rtasida birinchilikni qo’lga kiritgan nomzodga ham “Nexia” avtomobili tuhfa qilinadi.

* Uchinchi guruh, ya’ni 10-11-sinf, akademik litseyning 1-2-kurs o’quvchi-talabgorlari o’rtasida birinchilikni qo’lga kiritgan nomzodga esa “Cobalt” avtomobili sovg’a qilinadi.

* Shuningdek, barcha guruhlar bo’yicha birinchi 10 talik ro’yxatidan joy olgan nomzodlarga Qo’qon universitetida grant asosida o’qishga qabul qilish bo’yicha Investitsion vaucher taqdim etiladi.  

* “Qorako’l ziyo” nodavlat o’quv muassasasi tomonidan esa, guruhlar bo’yicha 1-2-3-o’rinni qo’lga kiritgan o’quvchi-nomzodlarga matematika va boshqa fanlardan qo’shimcha bilim olish bo’yicha bir yillik bepul o’qish bonusi taqdim etiladi.

Yoshlarni bilimga, ilmga bo’lgan qiziqishlarini yanada oshirishga qaratilgan olimpiadani uyushqoqlik bilan tashkil etishda xususiy umumta’lim maktablarini ham faollikka chorlab qolamiz!

216 | 2021-02-20 15:21

Guliston davlat universiteti (GulDU)
Telefon: (0367) 225-40-42
Faks: (0367) 225-42-75

Manzil: Guliston sh. 4 mavze
Jamoat transporti: 2-4 yo'nalishdagi avtobus, universitet bekati
Email: glsu_info@edu.uz
Saytimizdan ma`lumot ko`chirilganda guldu.uz manba sifatida ko`rsatilishi shart.

Saytda xatolikni ko`rsangiz, xatoni belgilang va "CTRL+ENTER" tugmalarini bosib ma`muriyatga xabar bering!


Powered by Anvar Abduqayumov 2021