Ахборот технологиялари кафедраси
ГулДУ - ГУЛИСТОН ДАВЛАТ УНИВЕРСИТЕТИ

Bizning shior: Universitet obro’si–har bir professor–o’qituvchi, xodim va talabaning or–nomusi, iftixori va vijdon ishidir.           Asosiy maqsadimiz: Eng yetuk universitetlar qatoridan joy olish!           Ilm bir shu’la, dilga tushgan on Shunda bilursankim, ilm bepoyon...

Kasbiy (ijodiy) imtihonni onlayn kuzatish

ҚАБУЛ 2020: Касбий (ижодий) имтиҳон топширувчи абитуриентлар диққатига!
2020/2021 ўқув йили учун Гулистон давлат университетида касбий (ижодий) имтиҳон топширувчи таълим йўналишлари бўйича абитуриентларнинг имтиҳон жойи, кунлари ва вақтининг жадвали ва абитуриентлар фамилияси, исми, шарифи, гуруҳ рақами тўғрисида маълумот. Абитуриентларга эслатма: Имтиҳонга ушбу жадвалда кўрсатилган кунда ва вақтда, белгиланган жойга, карантин қоидаларига риоя қилган ҳолда, абитуриентнинг ДТМ қайдномаси ва паспорт билан етиб келиш талаб этилади. Касбий (ижодий) имтиҳонлар санаси ва абитуриентларнинг гуруҳлар бўйича тақсимоти жадваллари (PDF форматда кўчириб олиш): Тасвирий санъат ва муҳандислик графикаси (кундузги) Тасвирий санъат ва муҳандислик графикаси (сиртu…
20454 | 2020-08-25 16:35 | Batafsil
Ахборот технологиялари кафедраси

kafedralar/axborot-texnologya.jpg

Кафедра мудири: Қаландаров Азиз

Қабул вақти: Ҳар куни 15:00-17:00

Телефон

Электрон манзили

Кафедра бош илмий мавзуси: Таълим-тарбия жараёнида ахборот-коммуникация технологияларини татбиқ қилишнинг ўқув-методик ҳамда амалий масалаларини ишлаб чиқиш ва жорий этиш.

Кафедра структураси:

Кафедра қуйидаги йўналишлар бўйича бакалаврлар тайёрлайди:

5110700-Информатика ўқитиш методикаси;

5130200-Амалий математика ва информатика. 

 

Кафедра қуйидаги мутахассислик бўйича магистр мутахассислар тайёрлайди:

5А110701-Таълимда ахборот технологиялари.

 

Кафедра тарихи

Кафедра 1986 йилда «Информатика ва ҳисоблаш техникаси асослари» номи билан ташкил қилинган. Дастлаб кафедрага техн.ф.н., доц. Абдураим Пардаевич Тишликов мудирилик қилган. Ушбу кафедрага мудир бўлиб турли йилларда доц. И.Исоқов, доц.К.Эшқуватов, доц. С.Аллаёров, доц. Д.Б.Абдурахимовлар фаолият кўрсатган.

2019 йилдан п.ф.н., доц. Тоштемиров Дониёр Эшбаевич кафедра мудири бўлиб ишлаб келмоқда. Ҳозирги кунда кафедрада 5 нафар фан номзоди, доцентлар, 9 нафар катта ўқитувчилар ва 15 нафар ўқитувчилар фаолият кўрсатмоқда.

1994 йилда кафедра “Амалий математика ва информатика”, 2015 йилдан эса “Ахборот технологиялари” деб номланиб фаолият кўрсатиб келмоқда.

2011 йилда “Амалий математика ва информатика” йўналиши талабаларидан С.Султонов М.Улуғбек номидаги давлат стипендияси совриндори, Б.Джониқулов “Информатика ва ахборот технологиялари” фани бўйича Республика фан олимпиадасида фахрли 2-ўрин совриндори бўлган.

2012 йилда Информатика ўқитиш методикаси таълим йўналиши талабаси Ш.Хурсанов “Ахборот технологиялари, рационализаторлик таклифлар ва техник ишкланмалар” номинацияси бўйича  “Келажак овози” Республика ёшлар танловининг фахирли диплома билан тақдирланди.

2012 йилида “Амалий математика ва информатика” йўналиши талабасидан Ш.Бомуродов “Парламентда менинг ўрним” лойиҳаси доирасида “Агар мен депутат бўлсам-2012” кўрик танловининг Республика босқичида иштирок этиб махсус сертификат билан тақдирланди.

Кафедра катта ўқитувчиси С.А.Тишликов ўзининг “Ўзбек тилидаги матнларда сўз шаклларини стохастик қидириш асосида хатоларни аниқловчи ва тузатувчи дастур” ихтиро патенти учун 2013 йил Ўзбекистон республикаси интеллектуал мулк агентлиги гувохномасига эга бўлди.

Информатика ўқитиш методикаси йўналиши 14-14 гуруҳ талабаси Турсунбоев Жамшид 2015 йил июл ойида Қашқадарё вилояти Шахрисабз тумани Лочин ормгохида ўтказилган “Юрт келажаги” иқтидорли ёшлар танлови Республика босқичи "Ахборот технологиялари, рационализаторлик таклифлари ва техник ишланмалар, WЕБ  ишланмалар"  танловининг Республика босқичида 1-ўринни эгаллаган.

Информатика ўқитиш методикаси йўналиши 13-13 гурух талабаси Ф.Бердалиев фан сохаси бўйича 2015 йил 5 майда ўтказилган "Юксак маънавиятли авлод" фестивали вилоят ва Республика босқичлари ғолиби, 2015 йил 19 майда ўтказилган "Юрт келажаги" танлови ғолиби бўлган.

2016 йил 1 июнда  Жиззах политехника институтида ўтказилган ёш олим ва талабаларнинг “ХХI аср - интеллектуал авлод асри” шиори остидаги Жиззах ва Сирдарё вилоятлари ҳудудий илмий-амалий конференциясидаги маърузаси учун кафедра ўқитувчиси М.Б.Ниёзов II-даражали диплом ҳамда 2017 йил 12-13 январ кунлари Тошкент шаҳрида ўтказилган  республика босқичида фаол иштирок этганлиги учун Сертификат билан тақдирланган.

Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Сирдарё вилоят ҳокимининг 2017 йил 1 февралдаги “Сирдарё вилоятида ахборот технологияларини янада ривожлантириш бўйича 2017 йилда амалга оширилиши режалаштирилган лойиҳаларнинг манзилли Дастури”нинг “Гулистон давлат университетида “Ёш дастурчилар форуми - 2017” ёшлар конференциясини ўтказиш” тўғрисидаги 37-банди ижроси бўйича 2017 йил 28 апрел куни ГулДУ Ахборот технологиялари кафедрасида “Ёш дастурчилар форуми - 2017” ёшлар конференцияси бўлиб ўтди. Ёшлар конференциясида университет профессор - ўқитувчилари, талабалари, академик лицей ва касб - ҳунар коллежи ўқувчилари, “Ёшлар Иттифоқи”нинг вилоят Кенгаши, А.Навоий номидаги Сирдарё вилоят ахборот-кутубхона маркази ходимлари ҳамда оммавий ахборот воситалари ходимлари қатнашдилар.

“Ёш дастурчилар форуми - 2017” ёшлар конференцияси иштирокчилари “5110700-Информатика ўқитиш методикаси” йўналиши 5-15 гуруҳ талабаси Э.Махмудов ҳамда 15-14 гуруҳ талабаси О.Сатторовлар муносиб равишда сертификат ва эсталик совғалар билан тақдирландилар.

Ўзбекистон Республикаси Президенти Ш.М.Мирзиёевнинг 2017 йил 7-февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги Фармонини ўрганиш бўйича давра суҳбатлар уюштирилди.

“Адолат” социал-демократик партияси Сирдарё вилоят Кенгаши ҳамда Гулистон давлат университети Ахборот технологиялари кафедраси ҳамкорлигида 2017 йил 18 апрел куни “Ҳаракатлар стратегияси - иқтисодий ислоҳатларнинг муҳим омили” мавзусида кенгайтирилган давра суҳбати ўтказилди.

Ёшларнинг бўш вақтларини мазмунли ташкил этиш, талабалар турар жойларида яшовчи ҳамда ижарада турувчи талабалар билан олиб бориладиган маънавий-маърифий ишлар режасини бажариш мақсадида Талабаларнинг дарсдан бўш вақтларини мазмунли ўтказишга йўналтирилган илмий, ижодий 8 та тўгараклар ташкил қилинган. Тўгараклар аъзолари профессор-ўқитувчилар, иқтидорли талабалар, вилоят ҳудудидаги академик лицей ва коллежлардаги информатика ўқитувчилари илмий-тадқиқот ишларига жалб этилган.

Кафедрада Информатика ўқитиш методикаси, Амалий математика ва информатика йўналишлари ҳамда бошқа барча бакалавриат таълим йўналиши талабаларига жами 48 та фан ўқитилмоқда.

Кафедра профессор-ўқитувчилари томонидан ўқитилаётган фанлардан ўқув қўлланмалар, ўқув-услубий мажмуалар, семинар ва ТМИ ишланмалари яратилган. Кафедра аъзолари Халқаро ва республика миқёсидаги илмий анжуманларида 200 дан ортиқ илмий маърузалар билан иштирок этишган ва илмий нашрларда 50 дан ортиқ илмий мақолалар эълон қилишган.

 

Кафедранинг ҳамкорлик алоқалари:

Кафедра ўз фаолиятида Мирзо Улуғбек номидаги Ўзбекистон Миллий университети, Низомий номидаги Тошкент давлат педагогика университети, Муҳаммад ал-Хоразмий номидаги Тошкент ахборот технологиялари университети, Самарқанд давлат университети, Жиззах давлат педагогика институти ҳамда Сирдарё вилоятдаги Гулистон АЛ ва бир нечта умумий ўрта таълим мактаблари билан ўзаро илмий ва ўқув-тарбиявий ишлари бўйича ҳамкорлик қилиб келмоқда.

Кафедра катта ўқитувчиси З.Негматуллаев Гулистон АЛда ўриндош сифатида ишламоқда. Кафедра ҳамда АЛ ва умумий ўрта таълим мактабларида ўқув-услубий семинарлар ўтказиб келинмоқда.

 

Кафедранинг илмий фаолияти:

Кафедра профессор-ўқитувчилар жамоаси кафедранинг бош илмий мавзуси “Таълим-тарбия жараёнида ахборот-коммуникация технологияларини татбиқ қилишнинг ўқув-методик ҳамда амалий масалаларини ишлаб чиқиш ва жорий этиш” мавзусида илмий-тадқиқот ишларини олиб бормоқдалар.

Кафедрада “Замонавий ахборот технологиялари таълим жараёнига тадбиқ этиш” номли илмий лабаратория ташкил этилган. Илмий лаборатория қошида таълим жараёни самарадорлигини ошириш учун инновацион гуруҳлар фаолият кўрсатмоқда.

1-Инновацион гуруҳ “Таълимда замонавий педагогик ва АКТ ларни татбиқ қилиш назаряси, услубиёти, моделлари ва алгоритмларини яратиш” мавзусида илмий тадқиқотларни олиб бормоқда. Гуруҳ раҳбари доц. Д.Абдурахимов, аъзолари: С.Қулмаматов, Д.Тоштемиров, А.Адилов, А.Танибердиев, С.Х.Исликов, М.Б.Ниёзов, М.Н.Норматова, Ж.Д.Саидов.

2-Инновацион гуруҳ “Таълимда замонавий педагогик ва АКТ ларни татбиқ этишнинг дастурий таъминотини яратиш” мавзусида илмий-тадқиқотишларини олиб бормоқда. Гуруҳ раҳбари доц. С.Аллаёров, аъзолари: У.Жўраев, С.Тишликов, А.Қудратов, З.Негматуллаев, А.Қаландаров, О.Б.Бурхиев, Ш.Х.Мавлонов, А.Маматов, Д.Э.Абдураимов.

Илмий лабораторияда фанлардан электрон ўқув адабиётлар, мустақил таълимни ташкил этишнинг компьютер дастури, масофали ўқитиш учун таълим портали, талабалар билимини баҳолашнинг автоматлаштирилган тест дастури каби дастурий маҳсулотлар яратилди ва таълим жараёнини самарали ташкил этишда қўлланилмоқда. Илмий-тадқиқот натижалари эса Халқаро ва Республика миқёсидаги илмий-назарий анжуман материаллари ҳамда чоп этилган илмий, ўқув-услубий қўлланмаларда ўз ифодасини топмоқда. Шу билан биргаликда гуруҳ аъзолари томонидан университет веб саҳифаси янгиланиб такомиллаштирилмоқда ҳамда регионал таълим портали инновацион лойиҳаси яратиш устида иш олиб борилмоқда.

Кафедра аъзолари  томонидан шу вақтгача 300 дан ортиқ илмий, ўқув-методик мақолалар тайёрланди. Улардан ҳозирги кунда мактаб ўқувчилари, АЛ ҳамда ОТМларнинг талабалари, ўқитувчилар, шу соҳада илмий иш устида изланаётган тадқиқотчилар ўзларининг илмий фаолиятларида, шунингдек амалиётда кенг фойдаланмоқдалар.

Кафедрада 3 та лаборатория хоналари мавжуд бўлиб, улар замонавий компютерлар ва АКТ воситалари билан  жиҳозланган. Бу компютерлар юқори тезликка эга бўлган Интернет тизимига уланган.

Кафедра қошида ташкил этилган «Кичик мактаб»да 8 та тўгарак ташкил этилган.

“Ёш дастурчилар” - раҳбар к.ўқ. А.А.Қаландаров, “Компютер графикаси ва дизайнерлар”- раҳбар к.ўқ. Тишликов С.А., “Тақдимотчилар” - раҳбар ўқ. Абдураимов Д.Э., “Матнли ахборотларни киритиш ва қайта ишлаш технологиялари” - раҳбар к.ўқ. Адилов А.А., “Тармоқ менеджери”- раҳбар к.ўқ. Жўраев У.С., “Ёш ахборотчи технологлар”- раҳбар к.ўқ. Негматуллаев З.Т., “Веб дизайнерлар” - раҳбар к.ўқ. Юлдашев Ў.А. “Кичик мактаб” аъзолари профессор-ўқитувчилар, иқтидорли талабалар, вилоят ҳудудидаги академик лицей ва мактаб ўқитувчилари илмий-тадқиқот ишларига жалб этилган.

Бу тўгаракларда “5110700-Информатика ўқитиш методикаси” йўналишида таълим йўналиши бўйича таълим олаётган талабаларнинг 50% дан кўпроқ қисмини қамраб олинган. Фан тўгаракларида қатнашаётган иқтидорли талабалар томонидан  бажарган илмий-тадқиқот ишлари натижалари республика миқёсида ва олий ўқув юртларида ўтказиладиган анжуманларда иштирок этиш орқали ўз фаолиятларини амалга оширмоқдалар ва бу жараён доимий равишда кафедра йиғилишларида муҳокама қилиб борилди.

FAN DASTURLARI

NAZORAT SAVOLLARI

MALAKA TALABLARI

 

Кафедра таркиби

Кафедра таркиби

Кафедра профессор-ўқитувчилар таркиби

 

Ф.И.О.

Лавозими

Илмий даражаси ва унвони

Штат

Тоштемиров Дониёр Эшбаевич

Кафедра мудири

П.ф.н., доцент

1

Абдурахимов Дониёр Баходирович

Катта ўқитувчи

П.ф.н.

1

Адилов Абдураим Намазович

Катта ўқитувчи

 

1

Негматуллоев Зафар Турдибекович

Катта ўқитувчи

 

1

Қудратов Алижон Нормаматович

Катта ўқитувчи

 

1

Жўраев Умиджон Сайфуллаевич

Катта ўқитувчи

 

1

Тишликов Султонжон Абдураимович

Катта ўқитувчи

 

1

Қаландаров Азиз Абдуқаюмович

Катта ўқитувчи

PhD

1

Танибердиев Акбар Абдуғаниевич

Катта ўқитувчи

 

1

Исликов Сайид Халилович

Катта ўқитувчи

 

1

Мавлонов Шерзод Хазратқулович

Ўқитувчи

 

1

Норматова Малика Норқуловна

Ўқитувчи

 

1

Ниёзов Мухаммад Бахронович

Ўқитувчи

 

1

Абдураимов Достон Эгамназар ўғли

Ўқитувчи

 

1

Эргашев Бахтиёр Бахриддинович

Ўқитувчи

 

1

Юлдашев Ўлмасбек Абдубаннопович

Ўқитувчи

 

1

Маматов Аваз Мухитдинович

Ўқитувчи

 

1

Нуриев Мансур Каримович

Ўқитувчи

 

1

Монасипова Рената Фидановна

Ўқитувчи

 

1

Унгаров Диёржон Рустам ўғли

Ўқитувчи

 

1

Кудратов Козим Каримович

Ўқитувчи

 

1

Бердиқулов Латиф Исомиддин ўғли

Ўқитувчи

 

1

Юсупов Азизбек Холмухамматович

Ўқитувчи

 

1

Бўтабоев Алимардон Алимжонович

Ўқитувчи

 

1

Аллаёров Сайдулла Пайзиевич

Доцент

Т.ф.н., доцент

0,25 ст.

Қулмаматов Синдорқул Ибрагимович

Катта ўқитувчи

П.ф.н.

0,25 ст.

Бурхиев Олимжон Бобоевич

Ўқитувчи

 

0,25 ст.

Саидов Жасур Дониёр ўғли

Ўқитувчи

 

0,25 ст.

Ирсалиев Фурқатжон Шерали ўғли

Ўқитувчи

 

0,5 ст.

Бобомуродов Озод Жўраевич

Профессор

Т.ф.д.

0,25 ст.

Мамаражабов Мирсалим Элмирзаевич

Доцент

П.ф.н., доцент

0,25 ст.

Умаралиев Алишер Турсуналиевич

Ўқитувчи

 

0,5 ст.

 

Кафедра манзили: Гулистон ш. 4 – мавзе, Гулистон давлат университети, бош бино, Физика-математика факултети, 5-қават, “Ахборот технологиялари” кафедраси

Телефон: 99 473-30-74

E-mail: atk-guldu-2015@umail.uz

5233 | 2017-12-29 11:21

Guliston davlat universiteti (GulDU)
Telefon: (0367) 225-40-42
Faks: (0367) 225-42-75

Manzil: Guliston sh. 4 mavze
Jamoat transporti: 2-4 yo'nalishdagi avtobus, universitet bekati
Email: glsu_info@edu.uz
Saytimizdan ma`lumot ko`chirilganda guldu.uz manba sifatida ko`rsatilishi shart.

Saytda xatolikni ko`rsangiz, xatoni belgilang va "CTRL+ENTER" tugmalarini bosib ma`muriyatga xabar bering!


Powered by Anvar Abduqayumov 2020
-->