Kirish

Kafedra mudiri: Abdurazzoqova Shohida

Qabul vaqti: Xar kuni soat 9-00 dan 17-00 gacha

Kafedra strukturasi

Kafedra tarixi

“Fakultetleraro chet tillar” kafedrasi Guliston davlat universiteti tarkibida 1995 yil ochilib, mutaxassisligi chet tili bo’lmagan fakultetlarga xizmat qilib kelmoqda. Bugungi kunda kaferda Filologiya fakulteti tarkibidagi 4 kafedralardan biri hisoblanadi. 1995 - 1998 yillar mobaynida kafedrani filologiya fanlari nomzodi dotsent O. Mamajonov boshqardi. U kafedrani iqtidorli yoshlar bilan to’ldirishga e’tiborini qaratdi. 1999-2003 yillarda kafedra mutaxassislik kafedrasi bilan birlashdi. 2003-2011 yillar kafedrani D. Bo’taeva boshqardi. 2011-2013 o`quv yilida A. Gapparov kafedrani faoliyatini yuritdi. 2013-2015 yillar kafedrani E.Hamdamov boshqardi. 2015 yildan hozirgi kunga qadar kafedrani A. Pozilov boshqarmoqda.

 Kafedra tarixiga nazar tashlaydigan bo’lsak kafedraning respublika tilshunos va tarjimashunoslari orasida tanilishiga sababchi inson Filologiya fanlari nomzodi, dotsent, pedagog, gyoteshunos, tarjimashunos olima Yanglish Egamovaning hizmatlari katta bo’lgan .Ya. Egamova 1974 yili Sirdaryo Davlat pedinstituti (1992 yildan Guliston davlat universiteti)ga ishga keldi. Bir yil “Nemis tili” kafedrasining katta o’qituvchisi, 1975 yil sentyabridan 1986 yilgacha shu kafedra mudiri, to 2013 yilgacha kafedra dotsenti lavozimida ishlagan. Y.Egamova Nemis tilidan bevosita o’zbek tiliga Gyotening “Yosh Verterning iztiroblari” (1975, G’afur G’ulom nomidagi Adabiyot va san’at, 2006, “Yangi asr avlodi”, 2013, “Sharq” nashriyotlarida), “Hamroz dillar” (“Sharq” nashr., 2013), Bruno Apitsning “Qashqirlar changalida” (G’afur G’ulom nomidagi nashr.,1986) romanlarini, Volfgang Borxert, Margarete Noymann hikoyalarini, Gyote haqidagi zamondoshlarining xotiralarini, Gyotening ayrim she’rlarini nemis tilidan tarjima qilgan. Gyotening “Hamroz dillar” romani hamda “Yosh Verterning iztiroblari” romani tarjimasining tahrir qilingan nusxasini, shu romanlar va ularning tarjimalari, Gyotening hayoti va ijodi haqidagi tadqiqotlari bilan birga “Muhabbatnoma” nomi ostida “Sharq” nashriyotida chop ettirdi. Bulardan tashqari, nemis yozuvchisi Frits Vyurtlening Bobur mirzo hayotiga bag’ishlangan “Andijon shahzodasi” (asliyatda “Bobur - yo’lbars”) nomli qissasini tarjima qilgan, u 2011 yilda “O’qituvchi” nashriyotida bosmadan chiqdi. 2013 yilda qissa lotin yozuvida qayta nashr etildi kafedramiz olimasi uzidan yirik adabiy me’rosni qoldirdi .

Hozirgi kunda ham ustozning davomchilari kafedra ta’lim sifatini oshirishda kafedra o’z loyihalari bilan faol ishtirok etib sifatli dars o’tish bilan birgalikda ilmiy salohiyatni yuqori ko’tarishga e’tibor qaratmoqdlar .

Kafedraning professor oqituvchilari A.Pozilov , Sh Hidirbaev, D.Shavqieva, Sh.Abdurazzoqovalar Hindistonning ITEC dasturi doirasida o’z malakalarini oshirib kelishgan va tegishli trenerlik sertifikatlariga ega.

Kafedra o’qituchilari A.Pozilov, H.Mamatova, U.Xamdamov, Sh.Hidirbaev kabilar nomzodlik dissertatsiyalari ustida ish olib bormoqda.

Kaferda professor o’qituvchilari L.Qodirova, D.Normamatovalar davlat test markazining tegishli darajadagi malaka sertifikatlariga egalar.

  2019 - 2021 yil hisobiga mustaqil tadqiqotchilik faoliyatiga kafedra yosh mutaxassislari to’liq jalb etildi. 7 nafar mustaqil tadqiqotchining jumladan (A.Pozilov, H. Mamatova, Sh.Hidirbaev, M.Ummatova, Z.Karimova, D.Normamatova, Sh.Abdurazzakova) larning  ilmiy mavzulari tasdiqlangan va o’z mavzulari ustida ilmiy ish olib bormoqdalar.

2019 - 2023 o’quv yiliga kelib kafedra istiqbol rejasida ilmiy salohiyat 40% gacha etib borishi rejalashtirilgan. Kafedrada mustaqil tadqiqotchilar uchun tegishli sharoitlar yaratilgan. Kafedraning mustàqil tadqiqotchilari kafedraning tayanch oliy o’quv yurti bo’lgan O’zDJTUning ìàlakali ilmiy darajaga ega professorlari maslahatchi sifatida biriktirilgan. Hozirgi kunda H. Mamatova, katta ilmiy hodim sifatida ilmiy faoliyat olib bormoqda. 

Fakul’tetlararo chet tillar kafedrasining hamkorlik aloqalari

Fakul’tetlararo chet tillar kafedrasi va Ingliz tili va adabiyoti kafedrasi Buyuk Britaniyaning Sheffield Hallam universiteti, Germaniyaning Gyote Instituti, Buyuk Britaniyaning Britaniya kengashi va O’zDJTU qoshidagi “Chet tillarini o’qitishning innovatsion metodikalarini rivojlantirish markazi”, Xindistonnning EDI (Entrepreneurship Development Institute of India), Xindistonning Dexli shaxridagi NIIT.LTD institutlari bilan hamkorlikni yo’lga qoyishgan.

O’zbekiston Respublikasi Prezidentining 2017-2021 yillarga mo’ljallangan xarakatlar strategiyasida ko’zda tutilgan OTM professor-o’qituvchilarini xalqaro nufuzli OTMlari bilan xamkorlikda malakasini oshirish va professional ko’nikmalarni rivojlantirish maqsadida, ushbu loyiha dasturi asosida Gyottingem universiteti (Germaniya) va Sankt-Peterburg davlat universiteti (Rossiya)da doktorantura va aspirantura yo’nalishlarida tahsil olishlari uchun imkoniyat yaratildi. Keyinchalik ushbu professor-o’qituvchilar olgan bilim va ko’nikmalarini Guliston davlat universiteti professor-o’qituvchi va yosh olimlar o’rtasida amaliyotda tadbiq etadi deb o’ylaymiz. Bu kabi imkoniyatlar kelajakda nafaqat universitetimiz balki yurtimizda ham o’z samarasini berishi aniq. 

Kafedra professor -o`qituvchilarining ilmiy faoliyati 

Kafedradagi professor-o’qituvchilar tomonidan olib borilayotgan ilmiy va metodik mazmundagi tadqiqot natijalarini ishlab chiqarish amaliyotiga, o’quv jarayoniga tatbiq etish masalasi tadqiqot ishlarining asosiy maqsadi sifatida qarab kelinmoqda va kafedrda quyidagi uchta loyiha ustida ish olib borilmoqda

 Keyingi yillarda o’quv-ta’lim manbalarining yangi avlodini yaratish va ta’lim-tarbiya jarayoniga joriy etish masalasiga kafedrada har qachongidan ham jiddiy yondoshib kelindi.

Fakultetlar qoshidagi kafedra kompyuter xonalarida kafedra professor-o’qituvchilari tomonidan yaratilgan o’quv-uslubiy majmualar va fanlar bo’yicha darsliklar hamda o’quv qo’llanmalarning elektron versiyalari, “English for all”, “Talk now”, “English for beginners”, “Talk to me” kabi til o’rganuvchi electron animatsion dasturlar joylashtirildi. Kompyuterlarda chet tili fani bo’yicha 3 kursga 15 ta o’quv-uslubiy majmua, fanlardan test savollari, majmualari, TMI topshiriqlari, darslik va o’quv qo’llanmalarining elektron versiyalari, Inglizcha-o’zbekcha terminologik lug’atlari kiritilgan. Amaliy mashg’ulotlar AKT asosida olib borilmoqda.

 “Fakul’tetlararo chet tillar” kafedrasi fakultetlararo hisoblanib, o’qitiladigan fanlar soni 2 ta: ingliz va nemis tili fanlari. Ular umumta’lim fani sifatida o’rgatiladi. Chet tili kursi 1-8 semestrlarni o’z ichiga oladi. Amaliy ingliz tili kursi quyidagi mashg’ulot shakllaridan iborat bo’ladi auditoriyada o’qituvchi rahbarligida guruhlar bilan amaliy mashg’ulot va o’qituvchi topshirig’i asosida talabalarning reja bo’yicha mustaqil ishlashi davom ettirib kelinmoqda. O’qitilayotgan fanlardan 6 ta darslik, 3 ta o’quv qo’llanma, 10 dan ortiq o’quv-uslubiy majmualar va taqdimotlarning elektron variantlari universitet “Ta’lim” portaliga kiritildi. “Ta’lim” portalini zamonaviy adabiyotlar bilan to’ldirish reja bo’yicha davom ettirilmoqda. Kafedraning bosh ilmiy mavzusi: “Virtual ta’lim tehnologiyalari yordamida talabalarda lingvistik kompetentlikni shakllantirish ”(ingliz tili misolida)

Kafedraning bosh ilmiy muammosi yo’nalishida bir qator ilmiy-tadqiqot mavzulari tasdiqlandi, olib borilgan ilmiy ishlar natijalari jurnal va ilmiy to’plamlarda ilmiy maqolalar holida nashr qilindi. Innovatsion guruh faoliyatiga yosh tadqiqotchilar, mutaxassislar, iqtidorli talabalarni kengroq jalb etishga alohida e’tibor qaratildi. Britaniya elchixonasi tomonidan tashkil etilgan seminar treningda zamonaviy dars o’tish metodikasi bo’yicha S.Muxiddinova, Sh. Abdurazzoqovalar ishtirok etishdi. Erishilgan natijalar kafedra ilmiy-uslubiy seminarida muhokama qilinadi va ilmiy-uslubiy faoliyatda tatbiq etilmoqda. (Darslarda EO’A lar, dars o’tishning zamonaviy metodlarini samarali qo’llamoqda).

Kafedra o'qituvchilarining diqqat e'tibori o'zlari faoliyat olib borayotgan fakultetlar mutaxassislik yo'nalishiga asoslangan xolda atamashunoslik muammolarining ham ilmiy, ham amaliy tomonlarini tadqiq etishga qaratilgan. Ular tomonidan o'quv qo'llanmalar va atamashunoslik lug’atlari yaratilgan. Bir qator uslubiy ishlar talabalar guruhlarida amaliy sinovdan o'tkazilib, yakunlanish arafasida.

Kafedra tomonidan aholining servis xizmat turlariga ehtiyoji, ta’lim xizmatlari ko’rsatish amalga oshirib kelinadi. Mazkur yo’nalish bo’yicha kafedra tomonidan 3 oylik «ingliz tili» kursi samarali tashkil etilgan.

Fanning ta’lim va ishlab chiqarish bilan integratsiyasi (olingan natijalarni ishlab chiqarishga joriy etish). Kafedrada olib borilayotgan ilmiy izlanishlar, tadqiqotlar natijalari xususan, ta’lim jarayoniga ZPT va innovatsion texnologiyalarni tatbiq qilish ko’nikmalarini talaba yoshlarda shakllantirish, AL va maktablarning yosh o’qituvchilarida pedagogik mahoratni shakllantirishga oid ishlar shartnoma asosida amalga oshirildi. Kafedra kata o’qituvchisi D.Shavqieva Guliston 1-AL “Tillar” kafedrasi bilan doimiy hamkorlikda bo’lib, o’quv qo’llanmalar masalasida ta’lim sifatini oshirish uchun tafsiyalar, interfaol usullardan foydalangan holda dars o’tish bo’yicha uslubiy ko’rsatmalar, ilmiy – uslubiy maqolalar yozib ustoz-shogird an’anasi bo’yicha faoliyat ko’rsatilmoqda. Kafedraga biriktirilgan maktablarining yosh o’qituvchilari uchun Ingliz tili o’quv qo’llanmalarining elektron versiyalari, dars taqdimotlari, ingliz tilini o’rgatishda intensiv metodlaridan foydalanish bo’yicha multimediyali e’lektron qo’llanmalari taqdim etilib kelinmoqda.

O’zbekiston Respublikasi Presidentining Chet tillarini o’rganish tizimini yanada takomillashtirish chora - tadbirlari to’g’risidagi 18 - 75 sonli Qarorini amalga oshirish yuzasidan kafedra professor-o’qituvchilari tomonidan qator ishlar amalga oshirilmoqda. Guliston davlat universiteti professor-o’qituvchilari “Fakultetlar aro chet tillar” kefedrasi tomonidan tashkil qilingan ingliz va nemis tili kurslarida chet tilida bilim va ko’nikmalarini oshirmoqdalar.