15-iyul kuni Oliy ta’lim, fan va innovatsiyalar vaziri o‘rinbosari Buzrukxonov Sarvarxon Munavarxonovich Guliston davlat universitetiga tashrif buyurdi. Tashrif davomida Prezidentimizning “Oliy ta’lim tashkilotlari bitiruvchilarining ishga joylashishiga ko‘maklashish bo‘yicha qo‘shimcha chora-tadbirlar to‘g‘risida”gi PQ-61-son qarori (14.02.2025 y.) ijrosi yuzasidan atroflicha tushuntirishlar berildi. Universitetning ilmiy ishlar va innovatsiyalar bo‘yicha prorektori O.Murodov va o‘quv ishlari bo‘yicha prorektori F.Sharipovlarning amalga oshirayotgan ishlar yuzasidan ma’lumotlari tinglandi.

S.Buzrukxonov universitetdagi “Kelajakka qadam” markazi faoliyati bilan yaqindan tanishdi, bitiruvchi talabalarining bandligi masalasida mavjud muammolarni o‘rgandi va ularni hal etish bo‘yicha amaliy taklif va topshiriqlar berdi.

Vazir o‘rinbosari bitiruvchi yoshlar bilan ochiq muloqot o‘tkazib, ularning ishga joylashish, kasbiy rivojlanish, shuningdek o‘z biznes g‘oyalarini amalga oshirish borasidagi fikr va takliflarini tingladi, bitiruvchilar tomonidan taqdim qilingan innovitsion ishlanmalar bilan tanishdi, mazkur loyihalarni moliyalashtirish yuzasidan tavsiyalar berdi.

Ochiq muloqotda Sirdaryo viloyati “O‘zmilliybank”, Bandlik boshqaramalari vakillari tomonidan qaror yuzasidan takliflari tinglandi.

Uchrashuvda:

✔“Kelajakka qadam” dasturini samarali joriy etish;

✔Bitiruvchilarni sohaga mos ish o‘rinlariga yo‘naltirish;

✔Saloҳiyatli ish beruvchilar ehtiyojini o‘rganish va tegishli yo‘nalishlar bo‘yicha individual tayyorlash dasturlarini ishlab chiqish;

✔Bitiruvchi yoshlarning o‘z biznes loyihalarini shakllantirishida ko‘maklashish masalalari muhokama qilindi.

“Kelajakka qadam” markazi – bitiruvchilarning mustaqil hayotga dadil qadam tashlashi, kasbiy faoliyatda muvaffaqiyatli bo‘lishi va yangi ish o‘rinlari yaratishiga ko‘maklashuvchi muhim maydon hisoblanadi.

Tashrif yakunida vazir o‘rinbosari bitiruvchilar bandligini ta’minlash bo‘yicha universitet rahbariyatiga aniq vazifalar yukladi.

Ijtimoiy tarmoqlarda baham ko'ring