Ta’lim sifati nazorati bo‘limi boshligi: Matrasulov Bahodir Erbutayevich

Qabul kunlari: Dushanba-Juma 14:00-16:00

Rus, ingliz tillari

(97) 155-25-98

bahodirm@mail.ru

Mehnat faoliyati

Ta’lim sifati nazorati bo‘limi bosh mutaxassisi : Sidiqov Farrux Jumanazar o‘g‘li

Rus tili

(94) 583-23-93

farruxsidiqov1993@gmail.com

Mehnat faoliyati

2017-2021- yy. - Guliston davlat universiteti talabasi
2021-2023- yy. - Guliston davlat universiteti ta’lim va tarbiya nazariyasi va metodikasi (boshlang‘ich ta’lim) yo‘nalishi magistranti
2021-2022 -yy. - Sirdaryo viloyati Boyovut tumanidagi 50-sonli umumiy o‘rta ta’lim maktabida boshlang‘ich sinf o‘qituvchisi
2022-2022-yy. - Sirdaryo viloyati Boyovut tumanidagi 50-sonli umumiy o‘rta ta’lim maktabida yetakchi mutaxassis
2022-2023- yy. - Sirdaryo viloyati Boyovut tumanidagi 50-sonli umumiy o‘rta ta’lim maktabida boshlang‘ich sinf o‘qituvchisi
2023-2025- yy. - Guliston davlat universiteti Ta’lim sifatini nazorat qilish bo‘limi bosh mutaxassisi
2025 y. - h.v. - Guliston davlat universiteti Ta’lim sifati nazorati bo‘limi bosh mutaxassisi

Ta’lim sifati nazorati bo‘limi bosh mutaxassisi : Quvondiqov Muxriddin Xamza o‘g‘li Rus tili

Rus tili

(99) 989-56-14

muxriddinquvondiqov4@gmail.com

Mehnat faoliyati

2014-2015-yy. – Sirdaryo viloyati suv ta’minoti aksiyadorlik jamiyatida buxgalter
2017-2021-yy. – Guliston davlat universiteti talabasi
2021-2022-yy. – Sirdaryo suv taьminoti aksiyadorlik jamiyatida haydovchi
2021-2023-yy. – O‘zbekiston davlat jismoniy tarbiya va sport universiteti magistratura talabasi
2022-2023-yy. – Sirdaryo suv taьminoti aksiyadorlik jamiyatida avariya-tiklash ishlari chilangari
2022-2023-yy. – Sirdaryo viloyat Yakka kurash turlariga ixtisoslashtirilgan sport maktabida murabbiy
2025-2025-yy. – Mirzaobod tumani sport maktabida murabbiy
2025 – h.v. – Guliston davlat universiteti Ta’lim sifati nazorati bo‘limida bosh mutaxasis

Guliston davlat universiteti Taʼlim sifati nazorati bo‘limi

NIZOMI

1-bob. Umumiy qoidalar

1. Mazkur Nizom O‘zbekiston Respublikasi Prezidentining 2025-yil 8-sentabrdagi “Oʻzbekiston Respublikasi Prezidenti administratsiyasi huzuridagi Taʼlim sifatini taʼminlash milliy agentligi faoliyatini tashkil etish to‘g‘risida”gi 275-son qaroriga muvofiq ishlab chiqilgan bo‘lib, Guliston davlat universiteti tarkibidagi Ta’lim sifati nazorati bo‘limi faoliyatini tashkil etish tartibini belgilaydi.

2. Bo‘lim boshlig‘i va uning xodimlari Oʻzbekiston Respublikasi Prezidenti Administratsiyasi huzurida Taʼlim sifatini taʼminlash milliy agentligi boshlig‘i bilan kelishgan holda lavozimga tayinlanadi va ozod etiladi. Mazkur lavozimlarga tayinlash va ozod etish mehnat qonunchiligiga muvofiq universitet rektorining buyrug‘i bilan (O‘zbekiston Respublikasining “Mehnat kodeksi” talablari asosida) rasmiylashtiriladi.

3. Bo‘lim faoliyati O‘zbekiston Respublikasi Konstitutsiyasi, O‘zbekiston Respublikasining “Ta’lim to‘g‘risida”gi Qonuni, O‘zbekiston Respublikasi Oliy Majlisining palatalari qarorlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasi qarorlari va farmoyishlari, O‘zbekiston Respublikasi Oliy ta’lim, fan va innovatsiyalar vazirligi (keyingi o‘rinlarda - Vazirlik deb yuritiladi), Agentlik hamda universitet rektorining buyruqlari va qonuniy ko‘rsatmalariga, shuningdek, Bo‘lim to‘g‘risidagi mazkur Nizomga muvofiq tashkil etiladi.

O‘quv yili boshida bo‘lim tomonidan ishlab chiqilgan hamda universitet rektori va Agentlik tomonidan ishlab chiqilgan “Yo‘l xaritasi” asosida ichki attestatsiya va ta’lim sifatiga oid ishlarni amalga oshiradi.

2-bob. Bo‘limning asosiy  vazifalari va funksiyalari

4. Bo‘limning asosiy vazifalari quyidagilardan iborat:

Ta’lim muasssasasida kadrlarni qayta tayyorlash va ularning malakasini oshirish ishlarini ichki baholashni amalga oshirish;

ta’lim yo‘nalishlari va mutaxassisliklarning davlat ta’lim standartlari (DTS), malaka talablari, o‘quv rejalari va fan dasturlari, ishchi o‘quv rejalar va fanning ishchi dasturlari bilan ta’minlanganligi hamda o‘zaro muvofiqligini tahlil etish;

malaka talablari, o‘quv reja va dasturlarning kasbiy standartlar hamda mehnat bozori talablariga mos bo‘lgan raqobatbardosh kadrlar tayyorlashga muvofiqligini tahlil qilish;

taʼlim tashkilotida taʼlim sifati madaniyatini shakllantirish, ichki sifat nazorati mezonlari va tartiblarini takomillashtirish hamda samarali amalga oshirish yuzasidan uslubiy tavsiyalar berish;

taʼlim sifatini baholashning mezon va usullarini xalqaro standartlar va ilgʻor xorijiy tajribalarni inobatga olgan holda ishlab chiqish hamda takomillashtirish;

talabalar bilimini baholash jarayonlarida kuzatuvchi sifatida ishtirok etish;

talabalar bilimini nazorat qilish va baholash jarayonlari  xolislik va shaffoflik asosida amalga oshirilganligini o‘rganish;

universitet dekanatlari tomonidan shakllantiriladigan dars jadvallarini optimallashtirishda ishtirok etish;

talabalar davomati va professor-o‘qituvchilarning darsga munosabati monitoringini olib borish;

professor-o‘qituvchilarga o‘quv yuklamalarining adolatli taqsimlanganligini o‘rganish;

dars o‘tish uchun ishlab chiqarish (amaliyotdan) malakali mutaxassilarni jalb etilganligini o‘rganib borish;

mustaqil ta’limni talab darajasida tashkil etilganligini o‘rganish va tahlil qilib borish;

bitiruvchilarning bilim darajasini o‘rganish maqsadida yakuniy davlat attestatsiyasi komissiyalari hujjatlari bilan tanishish;

universitetni ichki attestatsiyadan o‘tkazishni tashkil etish va ichki attestatsiya natijalarini, ta’lim sifatiga salbiy ta’sir etuvchi omillar to‘g‘risidagi ma’lumotlarni universitet rektoriga va Agentlikka taqdim etish;

ta’lim sifatini belgilovchi ko‘rsatkichlarning holatini monitoring qilish, aniqlangan muammolar va kamchiliklar yuzasidan universitet rektoriga takliflar berish;

ta’lim sifatini oshirish maqsadida professor-o‘qituvchilarning malakasini oshirish jarayonida zamonaviy usul va uslublardan foydalanish samaradorligi, dasturlarga fandagi yangiliklarning kiritilganligini tahlil qilish;

taʼlim tashkilotlarida taʼlim sifatini taʼminlashga qaratilgan chora-tadbirlar samaradorligini oʻrganish yuzasidan ilmiy va amaliy tadqiqotlarni olib borish hamda soʻrovnomalar oʻtkazish;

ta’lim jarayoni moddiy-texnik bazasi holatini tahlil qilish,  uni rivojlantirish va takomillashtirish bo‘yicha takliflar berish;

universitetda talabalar amaliyotining ta’lim yo‘nalishlari va mutaxassisliklarini inobatga olgan holda tashkil etilganligi va uning samarasini nazorat qilish;

universitet reytingini aniqlash, baholash, attestatsiya va ta’lim sifatini o‘rganish bilan bog‘liq jarayonlarda ishtirok etish;

universitetdagi ijtimoiy muhit, kadrlar tayyorlash va ta’lim sifatini o‘rganish maqsadida professor-o‘qituvchilar va kadrlar iste’molchilari o‘rtasida o‘tkaziladigan ijtimoiy so‘rovlar jarayonida ishtirok etish, natijalari yuzasidan tavsiyalar ishlab chiqish;

bitiruvchilarning ta’limning keyingi bosqichiga o‘qishga kirishi yoki ishga joylashishlarini tahlil qilishda ishtirok etish;

universitetda ichki jamoatchi ekspertlar bazasini shakllantirish va ular bilan qo‘yilgan vazifalar doirasida seminar mashg‘ulotlarini muntazam ravishda o‘tkazib borish;

o‘quv jarayoni bilan ishlab chiqarish o‘rtasidagi integratsion hamkorlik, innovatsion g‘oyalar, ishlanma va texnologiyalarni kengaytirish yuzasidan takliflarni berish;

taʼlim sifatini baholash boʻyicha faoliyatning ochiqligi va shaffofligini taʼminlash maqsadida jamoatchilik va manfaatdor tomonlar ishtirokida yillik hisobotlarni eʼlon qilib borish;

taʼlim sohasidagi davlat dasturlari va strategiyalarida belgilangan maqsadli koʻrsatkich va natijalarga erishilishini tahlil qilish hamda tavsiyalar ishlab chiqish;

taʼlim sohasi va ilmiy-tadqiqot faoliyatini rivojlantirish, ushbu sohadagi qonunchilikni takomillashtirish boʻyicha takliflarni ishlab chiqish hamda istiqbolli tashabbuslarni ilgari surish;

ta’lim sifati holatini o‘rganish natijalariga asoslanib, tegishli takliflarni universitet rahbariyatiga taqdim etish.

5. Bo‘lim oʻziga yuklatilgan vazifalarni bajarish uchun quyidagi funksiyalarni amalga oshiradi:

idoraviy mansubligi, mulkchilik va tashkiliy-huquqiy shaklidan qatʼi nazar oʻrta maxsus, kasbiy, oliy va oliy taʼlimdan keyingi taʼlim, shuningdek, kadrlarni qayta tayyorlash va ularning malakasini oshirish, malakalarni baholash sohalarida tashqi baholashni amalga oshirish boʻyicha:

 taʼlim tashkilotining belgilangan normativ-huquqiy hujjatlar hamda meʼyor va qoidalarga amal qilishini tahlil qiladi;

taʼlim tashkilotini maxsus va kompleks davlat akkreditatsiyasidan oʻtkazadi;

taʼlim tashkilotida taʼlim-tarbiya va ilmiy-tadqiqot jarayonlari sifatini qiyosiy taqqoslash asosida uning milliy reytingini yuritadi;

taʼlim dasturlarining kasbiy standartlarga va belgilangan malakalarga muvofiqligini baholaydi;

taʼlim tashkilotida tenglik va inklyuzivlikni taʼminlash orqali barcha taʼlim oluvchilar uchun adolatli va qoʻllab-quvvatlovchi muhit yaratilganini tahlil qiladi;

akkreditatsiyaga oid axborot tizimlarida maʼlumotlar almashish samaradorligini oshirish uchun davlat organlarining tegishli platformalari bilan integratsiya jarayonlarini yoʻlga qoʻyadi;

taʼlim tashkilotida taʼlim sifati madaniyatini shakllantirish, ichki sifat nazorati mezonlari va tartiblarini takomillashtirish hamda samarali amalga oshirish yuzasidan uslubiy tavsiyalar berish boʻyicha:

sifat madaniyatini shakllantirish va taʼlim sifatini taʼminlash boʻyicha taʼlim tashkilotiga uslubiy jihatdan koʻmaklashadi;

xalqaro tajribalar asosida ichki sifatni taʼminlashga oid mezonlar, indikator va qoʻllanmalarni ishlab chiqishda ishtirok etadi;

taʼlim va ilm-fanda korrupsiya holatlarining oldini olish, ularning sabab va shart-sharoitlarini bartaraf etish, manfaatlar toʻqnashuviga yoʻl qoʻymaslik boʻyicha tavsiyalar ishlab chiqadi;

taʼlim sifatini baholashning mezon va usullarini xalqaro standartlar va ilgʻor xorijiy tajribalarni inobatga olgan holda ishlab chiqish hamda takomillashtirish boʻyicha:

ilgʻor xorijiy tajribalarni oʻrganadi va ular asosida milliy taʼlim sifatini baholashning mezon va usullarini ishlab chiqadi hamda takomillashtirib boradi;

taʼlim sifatini baholash mezonlari va usullarini yangilab borish boʻyicha mahalliy va xorijiy ekspertlarni jalb qiladi;

milliy malaka tizimiga mos ravishda akkreditatsiya mezonlarini takomillashtirib boradi;

taʼlim tashkilotida taʼlim sifatini taʼminlashga qaratilgan chora-tadbirlar samaradorligini oʻrganish yuzasidan ilmiy va amaliy tadqiqotlarni olib borish hamda soʻrovnomalar oʻtkazish boʻyicha:

taʼlim tashkilotida taʼlim sifatini taʼminlashga qaratilgan chora-tadbirlar samaradorligini oʻrganish yuzasidan sotsiologik va boshqa soʻrovnomalar oʻtkazadi;

taʼlim sifatini baholash boʻyicha faoliyatning ochiqligi va shaffofligini taʼminlash maqsadida jamoatchilik va manfaatdor tomonlar ishtirokida yillik hisobotlarni eʼlon qilib borish boʻyicha:

taʼlim sifati va akkreditatsiya bilan bogʻliq jarayonlarni raqamlashtirish choralarini koʻradi;

taʼlim tashkiloti bitiruvchilarining bilim va koʻnikmalarini baholash hamda ularning mehnat bozoriga integratsiyasini oʻrganish maqsadida hududiy ish beruvchilar soʻrovnomasini oʻtkazadi;

taʼlim tashkilotlari oʻquvchi va talabalarining taʼlim sifati boʻyicha fikrlarini oʻrganishga qaratilgan talabalar soʻrovnomasini, shuningdek, jamoatchilikning taʼlim sifati boʻyicha fikrlarini oʻrganishga qaratilgan soʻrovnomalar oʻtkazadi;

taʼlim sohasidagi viloyat ijro etuvchi hokimiyat organlari bilan hamkorlikda taʼlim tizimi faoliyati ustidan jamoatchilik nazoratini kuchaytirish, ochiqlikni taʼminlash hamda korporativ boshqaruv usullarini qoʻllash boʻyicha takliflarni ishlab chiqadi;

taʼlim sohasidagi davlat dasturlari va strategiyalarida belgilangan maqsadli koʻrsatkich va natijalarga erishilishini tahlil qilish hamda tavsiyalar ishlab chiqish boʻyicha:

taʼlim sohasidagi viloyat ijro etuvchi hokimiyat organlari bilan hamkorlikda jamoatchilik, yetakchi xorijiy ekspertlar, konsultantlar va maslahatchilarni keng jalb qilgan holda tizimdagi eng dolzarb masalalar va muammolarga yechim topish choralarini koʻradi;

kadrlarni qayta tayyorlash va ularning malakasini oshirish, malakalarni baholash sohalaridagi barcha normativ-huquqiy hujjatlar loyihalarini oʻrganib, oʻz taklif va eʼtirozlarini bildiradi;

taʼlim sohasidagi viloyat ijro etuvchi hokimiyat organlari bilan hamkorlikda taʼlim xizmatlari isteʼmolchilari, ilmiy-pedagogik jamoatchilik hamda davlat organlari va tashkilotlarining takliflari asosida taʼlim sohasiga oid istiqbolli tashabbuslarni ishlab chiqadi;

taʼlim sohasi va ilmiy-tadqiqot faoliyatini rivojlantirish hamda ushbu sohadagi qonunchilikni takomillashtirish boʻyicha takliflarni ishlab chiqish va istiqbolli tashabbuslarni ilgari surish boʻyicha:

ta’lim muassasasida taʼlim va ilmiy sohada amaldagi qonunchilikni tizimli oʻrganadi, tahlil qiladi va uni takomillashtirish boʻyicha takliflar tayyorlaydi;

6. Bo‘lim oʻziga yuklatilgan vazifa va funksiyalarni qonuniylik, xolislik, hisobdorlik, ochiqlik va shaffoflik tamoyillari asosida amalga oshirish maqsadida universitet tarkibiy tuzilmalaridan zarur ma’lumotlar va materiallarni olish huquqiga ega.

3-bob. Bo‘limning huquq va majburiyatlari

7. Bo‘lim oʻziga yuklatilgan vazifa va funksiyalarni amalga oshirishda quyidagi huquqlarga ega:

Bo‘lim zimmasiga yuklatilgan vazifalar va funksiyalarni bajarish uchun universitet tarkibiy tuzilmalaridan vazifalari doirasidagi zarur ma’lumotlar va materiallarni olish;

Bo‘limga yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;

Ta’lim muassasasining taʼlim jarayonlarini boshqarish axborot tizimlaridan (HEMIS) va oliy taʼlimdan keyingi taʼlimni muvofiqlashtirishning yagona elektron tizimidan toʻsiqsiz foydalanish;

taʼlim tashkilotiga taʼlim sifatini oshirish boʻyicha koʻrib chiqilishi majburiy boʻlgan koʻrsatmalar kiritish;

taʼlim sifatini taʼminlash, akkreditatsiya, reyting va boshqa masalalar yuzasidan xalqaro va nodavlat tashkilotlar bilan hamkorlik shartnomalarini tuzish;

taʼlim tashkilotida taʼlim sifati bilan bogʻliq oʻrganishlar, monitoring va soʻrovnomalar oʻtkazish;

taʼlim tashkilotida “xavfni tahlil qilish” tizimi asosida aniqlangan talab va shartlarning buzilishi holatlari yuzasidan Bo‘lim tomonidan taʼlim tashkilotiga taqdimnoma kiritish hamda kamchiliklarni bartaraf etish uchun muddat belgilash;

taʼlim sifatini taʼminlash bilan bogʻliq standartlar, mezonlar va indikatorlarni amaliyotga tatbiq qilish;

mahalliy ekspertlar ishtirokida ekspert komissiyalari va ishchi guruhlar tuzish;

ekspert komissiyalari va ishchi guruhlar tomonidan taʼlim sohasidagi joriy holatni chuqur tahlil qilish, baholash va taklif ishlab chiqish boʻyicha texnik topshiriqlarni shakllantirish hamda konsalting kompaniyalarni jalb etgan holda tegishli taʼlim sohasini isloh qilish boʻyicha “yoʻl xaritalari”ni ishlab chiqish;

qonunchilik hujjatlari bilan taqiqlanmagan pulli xizmatlar koʻrsatish;

oʻz faoliyati yoʻnalishlari boʻyicha konsalting va ekspert-tahliliy xizmatlar koʻrsatish, ushbu vazifalarni amalga oshirish uchun tashkiliy-huquqiy tuzilmalarni tashkil etish;

tegishli davlat organlari bilan birgalikda taʼlim tashkilotlarida taʼlim sifatini oshirish va taʼlim jarayonlarini yaxshilashga taalluqli masalalarni koʻrish.

8. Qonunchilik hujjatlariga muvofiq, shuningdek, Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi topshiriqlariga asosan Bo‘lim boshqa huquqlarga ham ega boʻlishi mumkin.

9. Bo‘lim quyidagilarga majbur:

zimmasiga yuklatilgan vazifalarni sifatli va oʻz vaqtida bajarish;

davlat akkreditatsiyasini qonunchilik hujjatlari talablariga qatʼiy rioya etgan holda amalga oshirish;

akkreditatsiya jarayonlarida va ularning natijalarini ochiq holda eʼlon qilish orqali shaffoflikni taʼminlash;

akkreditatsiya qarorlaridan norozi boʻlgan holatda shikoyat va apellyatsiya berish jarayonlarini tashkil etish;

ijro intizomini taʼminlash.

Bosh sahifa

Ijtimoiy tarmoqlarda baham ko'ring