O'zbek tili va adabiyoti kafedrasi

ozbek-tili.jpg“O’zbek tili va adabiyoti” kafedrasi

Kafedra mudiri: Fayzullaeva Obida Xolbekovna

Qabul vaqti: Har kuni 15:00-17:00 (seshanba va shanbadan tashqari)

Telefon (+998945500334)

E-mail: fayzullayeva2016@yandex.ru

 

FAN DASTURLARI

MALAKA TALABLARI

NAZORAT SAVOLLARI

Kafedrada quyidagi ta’lim yo’nalishlari bo’yicha bakalavrlarni tayyorlaydi.

5120100 – Filologiya va tillarni o’qitish (o’zbek tili) bakalavriat ta’lim yo’nalishi bo’yicha mutaxassislar tayyorlanadi.

Kafedrada quyidagi mutaxassislik ta’lim yo’nalishlari bo’yicha magistrlarni tayyorlaydi.

5A120101-Adabiyotshunoslik (o’zbek adabiyoti) magistratura ta’lim yo’nalishi bo’yicha ham mutaxassislar tayyorlanadi.

 

“O’zbek tili va adabiyoti” kafedrasi tarixi

“O’zbek tili va adabiyoti” kafedrasi Sirdaryo viloyatida o’zbek tili va adabiyoti yo’nalishi bo’yicha mutaxassislarni tayyorlovchi yagona kafedra hisoblanib, unda 5120100 – Filologiya va tillarni o’qitish (o’zbek tili) ixtisosligi bo’yicha mutaxassislar tayyorlanadi.

“O’zbek tili va adabiyoti” kafedrasi dastlab “O’zbek va qozoq filologiyasi” nomi bilan 1966 yilda tashkil etilgan. Bir yildan so’ng 1967 yilda kafedra alohida-alohida “O’zbek tilshunosligi” va “O’zbek adabiyoti” kafedralariga ajralgan holda faoliyat yurita boshladi.

“O’zbek tilshunosligi” kafedrasi 1967 yilda tashkil topgan. Kafedraning birinchi mudiri filologiya fanlari nomzodi, dotsent Ikrom Suyarov bo’lgan. Keyingi yillarda kafedraga professor Xudoyberdi Doniyorov, dots. Qarshiboy Samadov, dots. Bo’riboy Hasanov, dots. Abdujabbor Doniyorov, dots. Bosim To’ychiboev, dots. Jumanazar Abdullaev, dots. I.Pardaeva va dots. v.b. S.Normamatovlar rahbarlik qilgan. Professor-o’qituvchilar kafedraning “Xalq tili va adabiy til munosabatlari muammolari” nomli bosh ilmiy mavzusi bo’yicha faoliyat yuritishmoqda.

“O’zbek adabiyoti” kafedrasi 1967 yilda tashkil topib, dastlab uni filologiya fanlari nomzodi Ikrom Suyarov boshqargan. 1969 yilga kelib “O’zbek adabiyoti” kafedrasiga filologiya fanlari nomzodi Abubakr Rajabiy mudir etib tayinlangan. 1973 yilda adabiyotshunos olim Anqaboy Quljonov shu kafedra mudiri lavozimiga tayinlangan va u bu lavozimda 1985 yilga qadar ishladi.

1985 yilda professor A.Kattabekov kafedraga mudir etib tayinlangach, uning rahbarligi va ishtirokida maktablarda o’zbek adabiyotini o’qitish masalalari bo’yicha dastlab, kontseptsiya ishlab chiqildi, dasturlar yaratildi. So’ngra shu kontseptsiya va dasturlar asosida umumta’lim maktablarining ikkita (8-9) sinfi uchun “Adabiyot” darslik-majmualari yaratildi.

1990 yildan e’tiboran kafedrani dotsent U.O’ljaboev boshqara boshladi. U o’z faoliyati davomida kafedraning oldingi an’analarni saqlagan holda ilmiy salohiyatni yanada ko’tarilishiga o’z hissasini qo’shdi.

2010 yilning sentabr oyiga kelib kafedra ixtiyoriga qozoq adabiyotiga doir fanlarning ham o’tishi munosabati bilan uning nomlanishi o’zgartirilib, “Adabiyotshunoslik” deya ataldi.

2011 yilda kafedraga dotsent Q.Ko’baev mudir etib tayinlandi.

2016 o’quv yiliga kelib “O’zbek tilshunosligi” va “Adabiyotshunoslik” kafedralari birlashtirilib, “O’zbek tili va adabiyoti” kafedrasiga aylantirildi. Kafedraga dastlab dots. Q.Ko’baev, keyin dots. F.Sharipov mudir etib tayinlandi. 2018 yilning boshidan buyon kafedrani dots. O.Fayzullaeva boshqarib kelmoqda.

 

“O’zbek tili va adabiyoti” kafedrasining hamkorlik aloqalari

Ilmiy va ilmiy-pedagogik kadrlar tayyorlash sifatini yaxshilash maqsadida kafedra tomonidan Respublikamizdagi 10 dan ortiq oliy o’quv yurtlari va ilmiy markazlar (O’zR FA O’zbek tili, adabiyoti va folklori instituti, Alisher Navoiy nomidagi Toshkent davlat o’zbek tili va adabiyoti universiteti, Samarqand davlat universiteti, Nizomiy nomidagi Toshkent davlat pedagogika universiteti, Jizzax davlat pedagogika instituti bilan hamkorlik aloqalari davom ettirib kelinmoqda. Ilmiy-pedagogik hamkorlik horijiy mamlakatlarning oliy o’quv yurtlari (Tojikiston Respublikasi Xo’jand davlat universiteti, Ozarbayjon Respublikasi Boku davlat universiteti) bilan ham amalga oshirilib kelinmoqda.

 

Kafedraning ilmiy faoliyati

Kafedra professor-o’qituvchilari “O’zbek tili va adabiyoti fanining dolzarb muammolari” bosh ilmiy tadqiqot mavzusida ilmiy izlanishlar olib borishmoqda. 2011 yilning oktyabr va dekabr oylarida 2 ta nomzodlik dissertatsiyasini himoya qilingan.

Kafedra ilmiy ishlarining salmog’i va darajasi dissertatsiyalar bilan belgilanadi. 2018 yilda quyidagi doktorlik va nomzodlik dissertatsiyalari mavzulari bo’yicha ilmiy ishlar davom ettirilmoqda:

1.            “Mustaqillik davri o’zbek adabiyotida epik janrlar tipologiyasi”

(hikoya, qissa va esse misolida) – Q.Ko’baev.

2.            “Qadimgi turkiy adabiyot poetikasi” – M.Mamatqulov.

3.            “O’zbek adabiyotida she’riy turkumlilik masalasi” (janr tarixi, tendentsiyalari, estetik tabiati) – O.Fayzullaeva.

4.            “O’zbek nasrida trilogiya” – G.Qo’ylieva.

5.            “Badiiy g’oya, ijodiy tasavvur va estetik talqin masalalari” (Asad Dilmurod ijodi misolida) – D.To’raeva.

6. G.Qo’ylievaning professor N.Rahimjonov rahbarligida tayyorlagan “O’zbek nasrida trilogiya” mavzusidagi filologiya fanlari bo’yicha falsafa doktori (PhD) dissertatsiyasini 2019 yilda himoya qildi.

7. Kafedra doktaranti To’raeva Dilnozaning “Badiiy g’oya, ijodiy tasavvur va estetik talqin masalalari” (Asad Dilmurod asarlari misolida) mavzusida ilmiy tadqiqot ishi yakunlanlanmoqda.

Kafedra doktaranti Sultonbek Normamatov “Asr boshidagi o’zbek she’riyatining til xususiyatlari” mavzusidagi doktorlik va To’raeva Dilnoza “Badiiy g’oya, ijodiy tasavvur va estetik talqin masalalari” (Asad Dilmurod asarlari misolida) mavzusida (PhD) ilmiy tadqiqot ishini himoya qilish arafasida.

Shuningdek, kafedrada ilmiy-amaliy seminarlar faoliyati to’g’ri yo’lga qo’yilgan. Oyda bir marta o’tkaziladigan seminarda professorlar N.Rahmonov va Yo.Tojiev, Q.Yo’ldoshev, dotsentlar U.O’ljaboev va H.Mirhaydarovlar ilmiy tadqiqotchilarning ilmiy maqolalarining mazmuni va saviyasini tahlil etib taqrizlar berishadi.

Kafedraning bosh ilmiy mavzusi doirasida shu kungacha 700 dan ortiq ilmiy maqola va tezislar, 20 ta monografiya, 4 ta darslik, 20 dan ortiq o’quv va metodik qo’llanmalar nashr etilgan,11 ta nomzodlik dissertatsiyasi yoqlangan.

O’quv yili davomida respublika miqyosidagi jurnallarda va konferentsiyalar to’plamlarida ilmiy maqolalar nashr ettirildi. Ular asosan xorij mamlakatlaridan Amerika, Germaniya, Yaponiya, Turkiya, Ozarbayjon, Rossiya mamlakatlarining nufuzli jurnal va to’plamlarida, respublika miqyosida OAK tomonidan e’tirof etilgan “Til va adabiyoti ta’limi” jurnali, “Sharq Yulduzi” jurnali, “O’zbekiston matbuoti”, “O’zbek tili va adabiyoti” jurnali, “Ilm sarchashmalari” kabi jurnallar va turli to’plamlarda o’z maqolalarini chop ettirib kelmoqdalar.

2005 yilda dotsent Q.Ko’beaevning “Tarixiy qissalar haqiqat izlaydi” nomli monografiyasi “Adolat” nashriyotida, 2012 yilda dotsent H.Mirhaydarovning “Tongni ottirgan yulduzlar” kitobi “Tafakkur” nashriyotida, 2013 yilda dotsent U.O’ljaboevning “Zamon talabi va ijodkor mas’ulligi” nomli kitobi “O’zbekiston” nashriyotida, 2014 yilda M.Sariboevaning “Alisher Navoiy epik asarlarini interfaol usullarda o’rganish” nomli monografiyasi “Adib” nashriyotida, 2014 yilda O.Fayzullaevaning “Hozirgi o’zbek she’riyatida sonet” nomli monografiyasi “Turon zamin ziyo” nashriyotida, 2016 yilda dotsent U.O’ljaboevning “Xotiraga ko’chgan umrlar” va “Hikoyachilikda davr nafasi” nomli kitoblari “Turon zamin ziyo” nashriyotida, 2016 yilda G.Qo’ylievaning “O’zbek nasrida trilogiya” nomli monografiyasi “Tafakkur” nashriyotida, 2017 yilda dotsent U.O’ljaboevning “Adabiyot – ko’ngil ko’zgusi” nomli kitobi “Turon zamin ziyo” nashriyotida chop etildi.

Kafedra profesori N.Rahmonov OTMlarning Filologiya talim yo’nalishi talabalari uchun «O’zbek adabiyoti tarixi» o’quv qo’llanmasi 30 bosma toboq hajmida 2017 yil nashr qilindi.

Kafedra profesori Yo.Tojiev va doktorant S.Normamatovlarning «Asr boshidagi o’zbek she’riyatining til xususiyatlari” nomli o’quv qo’llanmasi 2017 yil nashr qilindi. Shuningdek, prof. Yo.Tojievning «Nutq madaniyati» o’quv qo’llanmasi ham 2017 yil nashr etildi.

Kafedra dotsenti O.Fayzullaeva va X.Tojievlarning “Shekspir sonetlari tarjimasi va sharhlari” nomli o’quv qo’llanmasi universitet IK tasdiqlanib, 2019 yil «Yangi asr avlodi» nashriyotida nashr etildi.

Kafedra dotsenti M.Sariboevaning «Turkiy xalqlar adabiyoti» o’quv qo’llanmasi (10 b.t.) nashr qilinish arafasida.

2014 yil yo’nalish talabasi Bobobekova Gulnozaning «Lirik kechinma tabiati» monografiyasi chop etilishi ham yutuqlardan biri bo’ldi.

Shuningdek, talabalardan Sharofat Abdurahmonovaning (4-bosqich) “Erkin Vohidovning “Ruhlar isyoni” dostoni tahlili”, Rahmatjon To`raqulovning (2-bosqich) “Badiiy adabiyotda payg’ambarimiz siymosi”, Guldona Mehmonovaning (4-bosqich) “Nazar Eshonqulning “Maymun etaklagan odam” hikoyasida badiiy tasvir mahorati”, Dilnoza Mamanovaning (2-bosqich) “Uzoqdagi Dilnura” hikoyasida ruhiyat tasviri masalasi”, Rashid Xo’jamovning “Xatlarda aks ettirilgan taqdirlar” mavzusidagi maqolalari Samarqand shahrida bo’lib o’tgan iqtidorli talabalar maqolalari to’plamida chop etildi (2018 yil, fevral).

Yosh ijodkor talabalardan 10 nafarining ijod namunalari respublika miqyosida nashr etiladigan “Zangor fasl” to’plamida, 33-17 guruh talabasi Rashid Xo’jamovning “Ardog’imdagi tuyg’ular” she’riy to’plami nashr etilish arafasida.

4262 | 2017-12-29 12:52
Sayt bo'ylab izlash
Ishonch telefonlari
0 (367) 225-41-76
Rektor virtual qabulxonasi
'Huquqiy axborot' kanali
DTM Sirdaryo viloyati bo'limi kanali
Edu.uz (rasmiy kanal)

Guliston davlat universiteti (GulDU)
Telefon: (0367) 225-02-75
Faks: (0367) 225-40-42

Manzil: Guliston sh. 4 mavze
Jamoat transporti: 2-4 yo'nalishdagi avtobus, universitet bekati
Email: glsu_info@edu.uz
Saytimizdan ma`lumot ko`chirilganda guldu.uz manba sifatida ko`rsatilishi shart.

Saytda xatolikni ko`rsangiz, xatoni belgilang va "CTRL+ENTER" tugmalarini bosib ma`muriyatga xabar bering!


Powered by Anvar Abduqayumov 2020
  • Kirish

    Login
    Parol
    Ro'yxatdan o'tish