2023-yilning 27-iyul sanasida Guliston davlat unviersitetiga Makedoniyaning Xalqaro Slavyan universiteti rektori Yordan Gorchev boshchiligidagi delegatsiya tashrif buyurdi.

Mehmonlarni universitet rektori M.Xodjiev boshchiligidagi delegatsiya kutib oldi. Muzokaralar jarayonida M.Xodjiyev mehmonlarga universitet tarixi, bugungi kundagi rivojlanishi va istiqboli haqida batafsil ma’lumot berdi. O‘z navbatida Makedoniyalik mehmon Yordan Gorchev Xalqaro Slavyan universitetida mavjud ta’lim yo’nalishlari, umuman mazkur universitetning yo‘nalishi va strategiyasi to‘g‘risida yaqindan tanishtirdi.
Tashrif yakunida tomonlar ikki tomonlama hamkorlik aloqalarini o‘rnatish va kelgusida istiqbolli rejalarni amalga oshirishni ko‘zda tutuvchi hamkorlik Memorandumini imzolashdi. Mazkur hamkorlik aloqasi ikki tomon uchun ham o‘zaro manfaatli ekanligi qayd etildi.

Ijtimoiy tarmoqlarda baham ko'ring