Bugun Guliston davlat universiteti Madaniyat saroyida “Tadbirkor va yoshlar uchrashuvi” bo‘lib o‘tdi. Unda “Do‘stlik” ordeni sohibasi, Guliston shahridagi “Agro youth” ishlab chiqarish kooperativ direktori (Guliston shahar “Shirintoy va kichkintoy Sabina” xususiy maktabgacha ta’lim tashkiloti mudiri, “Tadbirkor ayol” assotsiatsiyasi Sirdaryo viloyati hududiy bo‘linmasi raisi) Usmanova Barchinoy Mamatqulovna  hamda universitetning 1-bosqich talabalari ishtirok etdi.

Tadbir boshida universitet rektori M.Xodjiyev tadbirkor B.Usmanovani davlatimiz rahbarining tegishli farmoni bilan yuksak mukofot-“Do‘stlik” ordeni sohibasi bo‘lganligi bilan tabriklab, uning kelgusidagi ishlarida muvafaqqiyat tiladi.

Tadbir davomida B.Usmanova talabalarga o‘zining hayot yo‘li va tajribasi bilan o‘rtoqlashdi. O‘z nutqida tadbirkor shu oliy ta’lim dargohida tahsil olganligiga ham alohida to‘xtalib o‘tdi.

Ijtimoiy tarmoqlarda baham ko'ring