Илмий ва илмий-педагогик кадрлар тайёрлаш бўлими

Илмий ва илмий-педагогик кадрлар тайёрлаш бўлими

Бўлимбошлиғи: б.ф.н. Ботирова Лазиза Ахматовна

Телефон: (+99891) 6214240

Электрон манзили: botirova.laziza@mail.ru

Бўлимтарихи

  • “Илмий бўлим университет таркибида олий ўқув юрти ташкил этилгандан буён фаолият кўрсатиб келмоқда. Илмий бўлимга 1992-1995-йилларда А.Позилов, 1995-1999-йилларда Ш.Мажидов, 1999-2002- йилларда Ф.Мусурмонқулов, 2002-2010-йилларда А.Аралов, 2010-2013-йилларда Ҳ. Ёдгоровлар раҳбарлик қилишган. 2013-йилдан бошлаб Илмий бўлимни «Дастлабки қайта ишлаш технологияси» кафедраси доценти Турдиқулов Тоирқул Турдиқулович бошқариб келмоқда.
  • Илмий бўлим таркибида таянч докторантура, докторантура ва мустақил изланувчилик институти, магистратура, “ Ёш олимлар кенгаши”, иқтидорли талабалар билан ишлаш, талабалар илмий жамияти мавжуд. Бўлим ўз фаолиятида университетнинг илмий-тадқиқот ва илмий-педагогик кадрлар тайёрлаш ишларини ташкил этишга раҳбарлик қилиб келади. Факултет ва кафедралар билан биргаликда иқтидорли талабаларни аниқлайди, уларнинг илмий йўналишдаги фаолиятини ўрганади ва назорат қилади. Илмий-тадқиқот ишлари олиб бораётган ходимларни университетнинг оилй ўқув юртидан кейинги таълим институтига қабул ишларини ташкил этади, шунингдек, талабгорларни Республика олий таълим муассасаларининг оилй ўқув юртидан кейинги таълим институтига йўллайди. Илмий-тадқиқот ишлари олиб бораётган ходимлар, стажёр, тадқиқотчи ва талабаларни Республика олий ўқув юртларида илмий-тадқиқот йўналиши бўйича фаолиятини давом эттиришга йўллайди. Университет ва Республика миқёсидаги илмий-назарий, илмий-амалий анжуманлар, семинарларни ташкил этади ва университетнинг илмий йўналишдаги тадбирлари, фан олимпиадалари, кўрик-танловларни ўтказишга раҳбарлик қилади. Талабалар илмий жамияти, кафедралар қошида ташкил этилган «Кичик мактаб»лар фаолиятини назорат қилади.
  • Университетнинг факултет ва кафедраларида ихтисослик ҳамда йўналишлар бўйича илмий фаолият профессор-ўқитувчилар, иқтидорли талабалар иштирокида олиб борилади ва университетнинг иқтидорли талабалари, талабалар илмий жамияти (академияси), талабалар конструкторлик бюроси, кафедралар қошидаги «Кичик мактаб» аъзоларини илмий фаолиятга жалб етилади.
  • Илмий бўлим томонидан тадқиқот ишлари бўйича кўрсатилган амалий ёрдамлар туфайли 60 нафардан ортиқ тадқиқотчилар диссертация ишларининг ҳимояларини муваффақиятли якунлашган. Ҳозирги кунда университетда мавжуд 13 та ихтисослик бўйича таянч докторантура(PhD) ва докторантура (DsC) да 19 нафар докторантлар таҳсил олмоқда.
  • Қайта ташкил этилган магистратуранинг 4 та йўналишлари бўйича 12 нафар магистрлар тайёрланмоқда.
  • Бўлимда ишлаб чиқилган «Иқтидорли талабалар танловини ўтказиш Низоми» асосида талабалар сафидан иқтидорлиларини аниқлаш, таълим соҳасидаги давлат ва жамғармалар стипендияларига номзодларни танлаш, «Талабалар илмий жамияти», кафедралар қошидаги ёш олимлар, ўқитувчилар, талабалар, мактаб ўқитувчилари ва ўқувчиларини бирлаштирган «Кичик мактаблар» фаолиятини ташкил этиш каби ишлар амалга ошириб келинмоқда.
  • Илмий-тадқиқот ишларининг йиллик ва истиқбол режаларига мувофиқ ҳар йили Республика ва Халқаро миқёсдаги илмий анжуманлар ўтказиб келинади. Анжуманларда Республика таълим тизимидаги, ижтимоий-иқтисодий ва маънавий-тарбиявий ҳаётидаги, қишлоқ ва халқ хўжалигидаги, фан ва техника тараққиётидаги долзарб муаммолар, уларнинг ечимлари муҳокама этилади.
  • Университетда ҳар йили апрел-май ойларида илмий бўлим раҳбарлигида ўтказиладиган профессор-ўқитувчилар ва талабаларнинг анъанавий илмий-назарий конференсиясида ўртача 600 нафарга яқин талаба, 300 нафардан ортиқ профессор-ўқитувчилар, вилоят таълим муассасаларининг 100 нафардан ортиқ илғор ўқитувчилари ўзларининг маърузалари билан иштирок этиб келишади.
  • Халқаро миқёсда ўтказилган анжуманларда Франсия, Германия, Япония, Белгия, Голландия, АҚШ, Австралия, Ҳиндистон, Бангладеш, Саудия Арабистони, Шри Ланка каби қатор хорижий давлатларнинг илмий марказлари ва олий ўқув юртлари вакиллари иштирок этишган. 2000-2017-йиллар давомида 150 га яқин давлатларнинг вакиллари илмий ва ўқув-методик масалаларни ривожлантириш мақсадида университетга ташриф буюришган.
  • Бугунги кунда Гулистон давлат университети Германиянинг Гёттинген, Франсиянинг Гренобл университетлари, Белгия, Чехия, Словакия, Испания, Хитой давлатлари ва Россия ФА қошидаги илмий марказлар ҳамда Москва ва Сан-Петербург давлат университетлари, Астрахан қишлоқ хўжалик университети, Тюмен давлат университети, ICARDA, ICBA, IWMI, IPGRI халқаро ташкилотлари ва бошқа бир қатор ўқув-илмий марказлар билан ўрнатилган ҳамкорлик алоқалари асосида фаолият кўрсатиб келмоқда. Шунингдек, университетда таълим-тарбия, илмий тадқиқот, маънавий-ахлоқий тарбия, нафосат ва бошқа масалалардаги мавзуларда кўргазмалар, танловлар ҳам ўтказиб келинади.

Университетнинг илмий кадрлар билан таъминланганлик даражаси

Университетда илмий-педагогик кадрлар тайёрлаш кафедра қошида ташкил этилган кичик мактаб, талабалар илмий жамияти, олий ўқув юртидан кейинги таълим институти орқали амалга оширилиб, илмий бўлим томонидан бошқарилади.

  • Университетда 17 нафар фан докторлари, 88 нафардан ортиқ фан номзодлари, 24 нафар докторант ва мустақил-изланувчилар, 190 нафардан ортиқ педагогик ходимлар турли мавзулардаги таълим, иқтисодиёт, қишлоқ хўжалиги, ишлаб чиқариш, адабиёт ва санъат соҳаларида илмий-тадқиқот ишлари олиб бормоқдалар. 2000-2017-йиллар давомида университетда 11 та докторлик, 60 дан ортиқ номзодлик диссертациялари ҳимоя қилинди. 2017-йилда 1та фан доктори (DsC) ва 1 та фалсафа доктори (PhD) диссертациялари ҳимоя қилинди. Университет нуфузи ва таълим сифатининг самарадорлиги кафедраларнинг илмий салоҳияти ва олиб борилаётган илмий тадқиқот ишларининг моҳиятига боғлиқ. Шунинг учун барча кафедралар кесимида профессор-ўқитувчиларнинг салоҳияти таҳлил етилиб, илмий салоҳиятини кўтариш бўйича чора ва тадбирлар белгиланди ва 2017-2021-йилларда докторлик диссертацияларини ҳимоя қилувчилар рўйхати ишлаб чиқилиб, ректор ҳузурида муҳокама қилинди.

Университетнинг илмий-тадқиқот фаолияти

  • Университетда илмий-тадқиқот ишлари Ўзбекистон Республикаси Президентининг 2017-йил 16- февралдаги ПФ-4958-сон “Олий ўқув юртидан кейинги таълимни янада такомиллаштириш тўғрисида” ги Фармони ва 2017-йил 20-апрелдаги ПҚ-2909-сон “Олий таълим тизимини янада ривожлантириш чора-тадбирлари тўғрисида”ги қарори, Ўзбекистон Республикаси Вазирлар Маҳкамасининг 2017-йил 2- майдаги “Олий ўқув юртидан кейинги таълим тизимини янада такомиллаштириш чора-тадбирлари тўғрисида”ги 304-сонли қарори асосида қабул қилинган Олий ва ўрта махсус таълим вазирлигининг ҳайъат қарорларилари ва буйруқларида белгиланган вазифаларни амалга ошириш орқали олиб борилмоқда.
  • Фан, таълим ва ишлаб чиқаришнинг корпоратив ҳамкорлиги, инновацион ва технологик ривожланишни бошқариш, мамлакатимизнинг стратегик мақсадларини таъминлаш ва барча йўналишларда еркин рақобатни йўлга қўйиш имкониятини беради. Бу бир томондан ишлаб чиқариш мамлакатимизда илм ва технология ўсишининг динамикасига имконият яраца, иккинчи томондан илм ва технология ишлаб чиқаришнинг ривожланишини, ҳамда замонавийлашишини таъминлайди.
  • Университетда олиб борилаётган илмий тадқиқот ишлари натижалари асосида 2017-йилнинг 10-12- май кунлари Тошкент шаҳида ўтказилган “Инновацион ғоялар, лойиҳалар ва технологиялар Х Республика Ярмаркаси”да университетдан 25 тадан ортиқ инновацион ишланмалар намойиш етилиб, ишлаб чиқариш корхоналари билан 92 миллион сўмлик хўжалик шартномалари имзоланди.
  • Ўзбекистон Республикаси Олий ва ўрта махсус таълим вазирлиги, Фанлар Академияси, Фан ва технологиялар агентлиги, Ўзбекистон Касаба уюшмалари Федерацияси Кенгаши Раёсати, “Камолот” ёшлар ижтимоий ҳаракати Марказий Кенгаши томонидан ёшларнинг замонавий техника ва технологияларга бўлган қизиқишларини қўллаб-қувватлаш, уларда ижодий тафаккур ва яратувчанлик қобилиятини ривожлантириш мақсадида 2017 йилда ташкил этилган “Ёшларнинг Инновацион ғоялар республика кўрик-танловида “Қишлоқ хўжалиги, биотехнология, экология ва атроф-муҳит муҳофазаси” йўналиши бўйича “Экология ва география” кафедраси ёш ўқитувчиси Кенжайев Азиз “Шўрланган тупроқлар унумдорлигини оширувчи агробиотехнологиялар” мавзусида бажарилаётган амалий лойиҳа билан иштирок этиб, кўрик танловнинг ғолиби сифатида тан олинди.
  • Университетда бугунги кунда умумий қиймати 563 миллион 456 минг сўмлик 10 та илмий лойиҳа (8 та амалий, 1 та ёш олимларнинг амалий ва 1 та инновацион) устида 60 нафардан ортиқ профессор-ўқитувчи, ёш олимлар, докторантлар, магистр ва бакалавр талабалар илмий тадқиқот ишларини самарали давом еттириб келишмоқда. Лойиҳаларнинг бажарилиш ҳолати тизимли тарзда Илмий-техник кенгашда муҳокама қилинади ва илмий техник кенгаш қарорлари университет Илмий кенгашида кўриб чиқилган ҳолда хулоса қилинади. Шунингдек, лойиҳаларнинг молиявий маблағи ва уларнинг сарфланишини ҳисоб-китоб қилиш ва назорати илмий тадқиқот ишлари бўйича ажратилган ҳисобчи томонидан амалга оширилмоқда.
  • Гулистон давлат университети Европа Иттифоқининг Erasmus+(Tempus)дастурининг 574055 - EPP-1 - 2016-1-IT - EPPKA 2 - CBHE - JP регистрация рақамли “RENES: Қайта тикланувчи енергия манбалари ва барқарор атроф-муҳит соҳасида магистрлик дастурини ишлаб чиқиш” мавзусидаги чет ел гранти бўйича танлов ғолиби деб топилди ва 2016-йилнинг 15-октабридан 2019-йилнинг 14- октабригача, 3 йил муддатга, умумий молиявий ҳажми 250,4 минг евро миқдоридаги грант лойиҳасида ҳамкор сифатида иш бошлаб, 2017-йилда 83,5 минг евро миқдоридаги илмий-тадқиқот ишлари бажарилди.
  • Бугунги илмий тадқиқот ишларини илмий лабораторияларсиз тасаввур қилиб бўлмайди. Университетда ташкил этилган қуйидаги 7 та илмий лабораториялар илмий ҳамкорликларни йўлга қўйиш ва маҳаллий муаммоларни ўрганиш ва йечимини топишга қаратилгандир. Мазкур лабораторияларга етук профессорлар ва доцентлар раҳбарлик қилмоқдалар.

1. Тупроқ ва ўсимликлар кимёси, Умумий кимё кафедраси

2. Органик моддалар кимёси, Умумий кимё кафедраси

3. Замонавий ахборот технологияларини ўқув жараёнига татбиқ этиш, Амалий математика ва информатика кафедраси

4. Экспериментал биология, Умумий биология кафедраси

5. Ўсимликлар экологияси, Умумий экология ва география кафедраси

6. Педагогик инновация маркази: 1-лаборатория, 2-лаборатория, 3-лаборатория, Педагогика ва писихология кафедраси

7. Яримўтказгичлар ва гелиофизика илмий лабораторияси, Умумий физика кафедраси

Ушбу лабораторияларга докторантлар, магистрлар, мустақил изланувчилар ва иқтидорли талабалар жалб қилиниши билан бирга, ишлаб чиқариш корхоналари ва муассасалари билан ҳамкорликда олиб борилаётган илмий амалий ишлар асосида улардан ҳам ходим ва мутахассислар жалб этилган. Бу таълим, фан ва ишлаб чиқариш ўртасида интеграциянинг ривожланиши учун муҳим бир асос бўлиб хизмат қилади.

  • Университет кафедраларида бажарилаётган илмий тадқиқот ишлари натижалари асосида яратилаётган ихтиролар, ишланмалар ва технологиялар халқ хўжалигининг турли соҳаларида фойдаланиш учун тавсия етилмоқда. Ўзбекистон Республикаси Интеллектуал мулк агентлигига топширилган ҳужжатлардан 2017-йилда “Қишлоқ хўжалик маҳсулотларини қайта ишлаш технологияси” кафедраси олимлари Рахматов О., Нурийев К.К., Юсупов А.М., Усманов Б., Қўшийев Ҳ.нинг  “Гелиоқуриткич” (№ ФАП 01106), техника фанлари доктори Баракайев Н.Р.нинг “Донни ўлчами бўйича фракцияларга ажратиш қурилмаси” ва Физика кафедраси доценти Ниёзов Ш.К. нинг “Ҳажмий қабул қилгичли қуёш сув иситгич коллектори” (№ ФАП 01185) номли ихтироларига фойдали модел сифатида патент олинди.

Университетда олиб борилаётган илмий тадқиқот ишларини мувофиқлаштириш ва назоратини амалга ошириш бўйича “Илмий-техник кенгаш” фаолияти йўлга қўйилди, “илм орқали билим” тамоили амалиётга татбиқ етилмоқда.

2747 | 2017-12-29 13:49
Sayt bo'ylab izlash
Virtual qabulxona
Ishonch telefonlari
0 (367) 225-41-76
Universitet rektoriga murojaat
'Huquqiy axborot' kanali
DTM Sirdaryo viloyati bo'limi kanali
Edu.uz (rasmiy kanal)

Guliston davlat universiteti (GulDU)
Telefon: (0367) 225-02-75
Faks: (0367) 225-40-42

Manzil: Guliston sh. 4 mavze
Jamoat transporti: 2-4 yo'nalishdagi avtobus, universitet bekati
Email: glsu_info@edu.uz
Saytimizdan ma`lumot ko`chirilganda guldu.uz manba sifatida ko`rsatilishi shart.

Saytda xatolikni ko`rsangiz, xatoni belgilang va "CTRL+ENTER" tugmalarini bosib ma`muriyatga xabar bering!


Powered by Anvar Abduqayumov 2019
  • Kirish

    Login
    Parol
    Ro'yxatdan o'tish