Xalqaro hamkorlik aloqalari doirasida Turkiyaning nufuzli oliy ta’lim muassasalaridan biri — Fırat Üniversitesi professor-o‘qituvchilari tomonidan Guliston davlat universiteti talabalariga mazmunli ma’ruzalar tashkil etildi. Jumladan,  dotsent İrem Bulut doktor tomonidan Tibbiyot fakulteti 2-bosqich  talabalari uchun “Favqulodda vaziyatlar (ofatlar) sharoitida sog‘liqni saqlash xizmatlarini tashkil etish va boshqarish” mavzusida ma’ruza o‘tkazildi.

 Unda favqulodda vaziyatlarda tibbiy xizmatlarni samarali yo‘lga qo‘yish, boshqaruv mexanizmlari va tezkor qaror qabul qilish jarayonlari haqida muhim bilimlar berildi.

 Shuningdek, professor Edibe Pirincci tomonidan Tibbiyot fakulteti 1-bosqich talabalari uchun “Tamakining sog‘liqqa zararlari” mavzusida ma’ruza tashkil etildi. Ma’ruzada tamaki mahsulotlarining inson organizmiga zararli ta’siri, kasalliklar rivojlanishidagi o‘rni hamda sog‘lom turmush tarzining ahamiyati keng yoritildi.

Ijtimoiy tarmoqlarda baham ko'ring