Aziz hamyurtlar!

Guliston davlat universitetining rektorati, butun jamoasi Sizni kirib kelayotgan mo’tabar ayyom – Navro’zi olam bilan samimiy muborakbod etadi! 

Shu ajoyib kunlarda millati, tili, dinidan qat’i nazar, yurtimizda yashayotgan har qaysi inson, har qaysi oila Navro’z bayramini shodu xurramlik bilan bahor sog’inchi va katta orzu-niyatlar bilan kutib olmoqda.

2018 yilning Navro’z shodiyonalari xalqimiz qalbini dunyoga, birinchi navbatda qo’shni mintaqalarga keng ochayotgan, butun olamda tinchlik, osoyishtalik, o’zaro hamkorlik rishtalarini maxkam bog’lashga har qachongidan ko’proq intilayotgan bir muhitda o’tayotgani yanada quvonchli. Muhtaram Prezidentimizning bu boradagi sa’y-harakatlari, qo’shni mamlakatlarga qilayotgan safarlari natijasi barcha xalqlarning ham maqsadlari  mushtarak, niyatlari ezgulik ekanligidan dalolat bermoqda.

Vatanimizning taraqqiyoti, dunyoning rivojlangan demokratik davlatlari qatoriga ko’tarilishimiz eng avvalo unib-o’sib kelayotgan yoshlarimizning salohiyati, bilimga chanqoqligi va ilmu fan cho’qqilarini egallashiga, etuk va barkamol avlod bo’lib voyaga etishiga bog’liq. Biz o’zligini, o’z qadr-qimmatini, Vatani oldidagi  burchini chuqur anglagan, o’z oldiga baland marralar qo’yib, dunyodagi barcha tengdoshlari bilan bellashuvga tayyor farzandlarimizni bizning ishonchimiz va tayanchimiz, hal qiluvchi kuchimiz deb bilamiz, ularni e’zozlab kamol toptirishda kuch-g’ayratimizni hech qachon ayamaymiz.

Qadrli do’stlar!

Navro’zi olam barchamizga muborak bo’lsin!

Osmonimiz yanada musaffo, yurtimiz tinch, xalqimiz omon bo’lsin!

Xonadonlarimizdan mehr-oqibat, fayzu baraka arimasin!

 Jamoa nomidan

Guliston davlat universiteti rektoriprof. Muhsin Hojiev