23.02.2021 yil kuni soat 14.00 da 1-maʼruzalar zalida Guliston davlat universiteti Xotin-qizlar Kengashi tashabbusi bilan Filologiya fakulteti Xotin-qizlar Kengashi tomonidan “Qizlar kelajak hayotga tayyormi?” deb nomlangan maʼnaviy-maʼrifiy tadbir oʼtkazildi. Unda talaba-qizlarni oilaviy hayotga tayyorlashda ahamiyatga ega boʼlgan va qizlar bilishi zarur boʼlgan maʼlumotlar yoritib berildi. Tadbir davomida talaba-qizlar tomonidan oilada yuz berishi mumkin boʼlgan muammoli vaziyatlar tanqidiy uslubda sahna koʼrinishi tarzida namoyish etildi. Undan tashqari xotin-qizlarimizni jamiyatda tutgan oʼrnini eʼtirof etuvchi sheʼr va qoʼshiqlar talaba qizlarimiz tomonidan ijro etildi. Talabalarning chiqishlari barchada yaxshi taʼsurot qoldirdi. Tadbirda 150 nafardan ziyod talaba-qizlar ishtirok etishdi.

Ijtimoiy tarmoqlarda baham ko'ring