Bugun Sirdaryo viloyati Guliston davlat universitetida siyosiy partiyalar va ommaviy axborot vositalari vakillari hamda mahalliy Kengashlar deputatlari uchun tashkil etilgan o‘quv kursining birinchi kuni o‘tdi. 

O‘quv kursini Guliston davlat universiteti rektori M.Xodjiyev ochib berdi. O‘zbekiston Respublikasi  Oliy Majlis Qonunchilik palatasi deputati N.Djanibekova o‘quv kursining mazmun-mohiyati va vazifalari to‘g‘risida batafsil to‘xtaldi. Keyin kelgan tinglovchilar ikki guruhga bo‘linib, dars mashg‘ulotlari boshlandi. Birinchi guruhga O‘zbekiston Respublikasi Ichki ishlar vazirligi Akademiyasi professori Shavkat Mamadaliyev moderatorlik qildi. Ikkinchi guruhda moderator bo‘lib Toshkent davlat sharqshunoslik universiteti dotsenti Ne’matjon Xolmatov o‘quv jarayonini boshqardi.

Darslar universitet professori R.Maxmudov, dotsentlar S.Ismoilov va A.Burxonov, katta o‘qituvchi Y.Karimovlar tomonidan zamonaviy texnologiyalardan foydalanilgan holda o‘tkazildi.

Ijtimoiy tarmoqlarda baham ko'ring