2021-yil yanvar oyidan boshlab universitet rektori M.Xodjiyevning fakultetlar kesimida talaba yoshlar bilan uchrashuvi tashkil etilgan edi. Bu galgi shunday uchrashuv navbati universitetda tahsil olayotgan magistrlar bilan bo‘lib o‘tdi.

            Magistrlar bilan bo‘lgan uchrashuvda ilmiy tadqiqotlar samaradorligini oshirish, yangi innovatsion va ilmiy g‘oyalar va ishlanmalar diqqat markazda bo‘ldi. Universitet rektori mavjud guruhlar liderlari bilan birma-bir suhbatlashib, magistrlarning ilmiy ishlar kalendar rejasini bajarish holati bo‘yicha ko‘rsatmalar berdi.

Uchrashuvda Ijtimoiy-iqtisodiy fakultet dekani Z.Zikriyayev, Magistratura bo‘limi boshlig‘I O.Sattorqulov, kafedra mudirlari J.Abdullayev, F.Obidova, S.Qulmamatov, M.Ergashevlar so‘zga chiqishib bugungi kunda magistrlarni tayyorlashga bo‘lgan talablar va magistrlik dissertatsiyalarini tayyorlashning o‘ziga xos jihatlari to‘g‘risida fikr bildirishdi.

O‘quv yili yakuniga qadar har bir magistr tomonidan ilmiy va uslubiy ishlarni tayyorlash va chop etishni bosqichma-bosqich ko‘paytirib borish vazifasi belgilab berildi.

Ijtimoiy tarmoqlarda baham ko'ring