2021-yil 5-mart kuni Guliston davlat universiteti Axborot resurs markazi va ilmiy ishlar va innovatsiyalar bo‘limi hamkorlikda yosh ilmiy xodimlar, doktorantlar va magistrlar uchun “Springer Nature” xalqaro axborot kompaniyasi faoliyati va imkoniyatlari” mavzusida o‘quv seminari tashkil etildi. Seminarda 50 dan ortiq yosh ilmiy xodimlar, doktorantlar va magistrlar ishtirok etishdi. Seminarni ilmiy ishlar va innovatsiya bo‘yicha prorektor A.Sulaymonov ochib berdi.

“SpringerNature” xalqaro axborot kompaniyasi faoliyati va imkoniyatlari” mavzusi bilan seminar ishtiorokchilarini Axborot resurs markazi direktori O.Oqyigitov tanishtirdi. Mavzuni tanishtirish jarayonida “Springer Nature” xalqaro axborot kompaniyasi tarixi, uning imkoniyatlari va afzalliklari haqida alohida ma’lumotlar berildi. Mazkur kompaniya bilan Oliy va o‘rta maxsus ta’lim vazirligi o‘rtasida tegishli shartnoma tuzilgan bo‘lib, unga ko‘ra 70 ga yaqin oliy ta’lim muassasalari kompaniya manbalari (jurnallar, kitoblar, ilmiy maqolalar va boshqa manbalar)dan beg‘araz foydalanishlari mumkin. Shu ta’lim muassasalari qatorida GulDU axborot-resurs markazi borligi, hamda markazdagi kompyuterlar orqali foydalangan holda ilmiy izlanuvchilar o‘ziga kerakli ma’lumotlar ko‘chirib olishi, shaxsiy maqolalarini impakt faktorga ega, ya’ni  Scopus tasnifiga kiruvchi jurnallarda bosib chiqarish mumkinligi aytib o‘tildi.

Ijtimoiy tarmoqlarda baham ko'ring