Dunyoning g’amini yutguvchi, ayol!

Olamda muhabbat tutguvchi, ayol!

Sаdоqatla birga rafiqa bo’lib!

Eridan shirin so’z kutguvchi ayol!

Farzandiga mehr berguvchi, ayol!

Ranjisangiz qahr qilguvchi, ayol!

Ko’zlardagi g’amni bilguvchi, ayol!

Borini muhayyo qilguvchi ayol!

Ko’zidan chiqarmang hech qachon ko’z yosh!

Alamdan yonsa ham bermoqda bardosh!

Go’zallardan go’zal kamon qalamqosh!

Onamiz, singlimiz, opamiz ayol!

Ayol buyuk kalimadir!

Unda bokira qiz iffati,

Do’st fidoyiligi,

Ona jasorati mujassamdir!

2021-yil 6-mart kuni Guliston davlat universitetining Madaniyat saroyida “Onamiz, singlimiz, opamiz ayol!” shiori ostida 8-mart “Xalqaro xotin qizlar kuni” munosabati bilan bayram kechasi tashkil etildi.

Bayramni universitet rektori professor M.Xodjiev bayram tabrigi bilan ochib berdi. Tadbirda universitet Kasaba uyushmasi raisi A.Yusufaliev tabrik nutqi so’zlagach bir guruh faol ayol proffessor-o’qituvchilar bayram sovg’alari bilan taqdirlanishdi.

Bayramning badiiy qismida “San’atshunoslik” fakulteti talabalari tomonidan kuy-qo’shiqlar ijro etildi.

Ijtimoiy tarmoqlarda baham ko'ring