O‘zbekiston Respublikasi Prezidentining 2020-yil 29-dekabrdagi Oliy Majlisga Murojaatnomasida belgilangan vazifalardan kelib chiqib, O‘zbekiston Respublikasi Prezidenti huzuridagi Davlat xizmatini rivojlantirish agentligi Sirdaryo viloyati filiali,  O‘zbekiston Respublikasi Prezidenti huzuridagi Davlat boshqaruvi akademiyasining Guliston hududiy filiali hamda Guliston davlat universiteti bilan hamkorlikda 2021-yil 6-aprel kunidan boshlab Sirdaryo viloyat tuman (shahar) hokimlarning yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosarlari hamda tuman (shahar) hokimlarining o‘rinbosari – mahalla va oilani qo‘llab-quvvatlash boshqarmasi boshliqlari uchun navbatdagi malaka oshirish kurslari o‘z ishini boshladi. O‘quv jarayonlari 9-aprelga qadar davom etishi rejalashtirilgan.

 Kurs yakuni bo‘yicha tinglovchilarning olgan bilim va ko’nikmalari yuzasidan test sinovlari o‘tkaziladi. Shuningdek, tinglovchilar faoliyat yuritayotgan sohani rivojlantirish bo‘yicha o‘zlari tomonidan ishlab chiqilgan “yo‘l xaritasi” dasturlarini himoya taqdimotini o‘tkazadilar.

 Malaka oshirish kurslarini muvaffaqiyatli yakunlagan tinglovchilarga sertifikatlar topshiriladi.

Ijtimoiy tarmoqlarda baham ko'ring