Oq yo‘l senga, bitiruvchi!

Bugun Respublikamiz umumta’lim maktablarida sо‘nggi qо‘ng‘iroqlar yangradi. 2020-2021 o‘quv yilida yurtimizda qariyib 438 ming nafar о‘quvchi yoshlarimiz umumiy o‘rta ma’lumot to‘g‘risidagi shahodatnomalarni qо‘lga kiritishdi. Shu munosabat bilan Respublikamiz Prezidenti Shavkat Mirziyoyev maktab bitiruvchilariga tabrik yо‘lladi.

“Avvalo, barchangizni beg‘ubor о‘quvchilik yillaringizni ortda qoldirib, qadrdon maktabingiz, ustozlaringiz bilan xayrlashib, hayotingizning yangi, yanada mas’uliyatli bosqichiga qadam qо‘yayotganingiz bilan chin qalbimdan tabriklayman. Bu nafaqat Siz, aziz farzandlarimiz, balki biz-ota-onalar, ustoz-murabbiylar uchun ham g‘oyat quvonarli va hayajonli voqeadir”, degan samimiy so‘zlar ushbu tabriknomadan joy egallagan.

Maktab bitiruvchilarining ana shunday quvonchli onlariga sherik bо‘lish, ularnig qalblariga yanada quvonch ulashish maqsadida, bugun Guliston davlat universiteti rahbariyati, professor-о‘qituvchilari Sirdaryo viloyatidagi umumta’lim maktablarida bо‘lishidi.

Bugun erta tongdan universiteti rektori, texnika fanlari doktori, professor Muhsin Tadjiyevich Xodjiyev Sirdaryo viloyati Xovos tumanidagi olis 28-umumta’lim maktabi bilan universitet o‘rtasida yo‘lga qo‘yilgan hamkorlik doirasida ushbu ta'lim muassasasiga tashrif buyurib, Prezidentimizning maktab bitiruvchilariga yo‘llagan tabrigini yetkazib, о‘quvchilarni “sо‘ngi qо‘ng‘iroq” bilan muborakbod etdi. Ularga kelgusi hayotlarida oldilariga qо‘ygan maqsadlariga erishish, oliy о‘quv yurtida ta’limni davom ettirish yoki biror kasb egasi bо‘lib, yurtimiz taraqqiyoti, uning rivoji, ertangi kuni uchun kerakli insonlar bо‘lib yetishishlarida omadlar tiladi.

Shuningdek bugungi “so‘ngi qo‘ng‘iroq” tadbirlarda Ilmiy ishlar va innovatsiyalar bo’yicha prorektor A.Sulaymonov, Yoshlar bilan ishlash va ma’naviy-ma’rifiy masalalar bo‘yicha prorektor F.Niyazov, Moliya-iqtisodiyot masalalari bo‘yicha prorektor M.Bayirbekov, Pedagogika fakulteti dekani J.Komilov, Jismoniy madaniyat fakulteti dekani J.Qarshiboyev, Ijtimoiy-iqtisodiy fakultet dekani Z.Zikriyayev va O’quv-uslubiy boshqarma boshlig‘i I.Xudoyberdiyevlar viloyatning barcha tuman va shaharlaridagi umuta’lim maktablarida mazkur tadbirlarda ishtirok etishdi.

Universitet jamoasi barcha bitiruvchi o‘g‘il-qizlarni o‘zlari qiziqqan yо‘nalishlar bо‘yicha Guliston davlat universitetiga о‘qishga taklif qilishdi.

Ijtimoiy tarmoqlarda baham ko'ring
Eleanor Fant
Headmaster
Fig Nelson
Language Teacher
Hanson Deck
Special Education Teacher

Studentmisiz?