2021-yilning 8-iyul sanasida Oliy va o‘rta maxsus ta’lim vazirining fan va innovatsiyalar bo‘yicha o‘rinbosari Hakimov Raximjon Rasuljonovich Guliston davlat universitetiga tashrif buyurdi. Tashrif kun tartibidagi asosiy masala Prezident Sh.M.Mirziyoyevning 2021-yil 16-iyunda “Oliy ta’lim tizimidagi ustuvor vazifalar muhokamasi”ga bag‘ishlab o‘tkazgan videoselektor yig‘ilishida belgilangan vazifalar ijrosini ta’minlash, xususan, universitetning ilmiy-tadqiqotlar va innovatsion faoliyatini tubdan yaxshilash, tadqiqotlar yo‘nalishlarini global masalalarga moslashtirish borasida amalga oshiriladigan vazifalar yechimiga qaratildi.

            Vazir o‘rinbosari R.Hakimov universitet rahbariyati bilan ishchi tartibda ochiq muloqot o’tkazdi. Muloqotda universitetning Ilmiy ishlar va innovatsiyalar bo‘yicha prorektori A.Sulaymonov tomonidan ilmiy salohiyatni yaxshilash, zamonaviy ilmiy tadqiqotlar oldida turgan muammolar va ularning yechimi to‘g‘risidagi ma’lumot taqdim etildi. Tashrif davom etmoqda.

Ijtimoiy tarmoqlarda baham ko'ring