2021/2022 o‘quv yilidan boshlab universitetda yaratilgan raqamli-elektron dars javdaliga professor-o‘qituvchilarning telefon raqamlariga bog‘lab qo‘yildi.

O‘qituvchining telefon raqamiga bir kun oldin avtomatik ravishda quyidagi ko‘rinishdagi xabar keladi: “Hurmatli ***! Ertaga soat 10:00da universitetng bosh binosining 121-auditoriyasida ***fandan darsingiz bo‘ladi. Iltimos kechikmasdan kelishingizni so‘raymiz!” Ertasi kuni o‘qituvchi belgilangan auditoriyaga qayd qilingan vaqtda kirganida bosh dispetcherning auditoriyalar belgilangan monitorida yashil tugma yonadi. Mabodo o‘qituvchi darsga kelmasa, bosh dispetcherning auditoriyalar belgilangan monitorida tegishli tugma qizil rangda paydo bo‘lib, dars o‘tilmayotganligini, o‘qituvchi darsga kelmaganligini qayd etadi.

Ushbu tizim universitetda o‘quv mashg‘ulotlar o‘tilishini ko‘p vaqt sarflamasdan nazorat qilish va mashg‘ulotlar jarayonida yuzaga keladigan salbiy holatlarning oldini olish imkonini beradi, deydi o‘quv ishlari bo‘yicha prorektor professor H.Qo‘shiyev.

Ijtimoiy tarmoqlarda baham ko'ring