Avval xabar berganimizdek, Guliston davlat universiteti Rektori M.Xodjiyevning fakultetlar va ta’lim yo‘nalishlari kesimida talabalar bilan ochiq muloqot shaklidagi uchrashuvlariga start berilgan edi. 22.02.2023-yil sanasida navbatdagi ochiq muloqoqt uchrashuvi Filologiya va Ishlab chiqarish texnologiyalari fakultetining “Iqtidorli yoshlar kengashi" a’zolari bilan bo‘lib o‘tdi.

Universitet rektori talabalar bilan birma-bir suhbatlashib, ularning fikrlarini, taklif va e’tirozlarini o‘rganib chiqdi. Ko‘p sonli talabalar tomonidan dars jarayonlarini nazariya va amaliyotni o‘zaro bog‘lagan holda tashkil etish taklifi yuzasidan shu yerning o‘zida mas’ullarga ko‘rsatma berilib, yaqin kunlar ichida amaliyot darslari ishlab chiqarsh korxonalarida tashkil etiladigan bo‘ldi. Bundan tashqari, talabalar tomonidan volontyor talablar ijodiy ishlarini to‘plam qilib chop etish, axborot-kutubxona faoliyatini yaxshilash, o‘quv auditoriyalarida AKT vositalarini ko‘paytirish borasidagi takliflari uchrashuv vaqtidayoq ijobiy hal etildi.

Ijtimoiy tarmoqlarda baham ko'ring