30-mart sanasida Sirdaryo viloyati hokimi v.b. A.Mahmudaliyevning Guliston davlat universiteti talaba-yoshlari bilan ochiq muloqot formatidagi “Hokim va yoshlar uchrashuvi” boʻlib oʻtdi. Universitetning “Talabalar xiyoboni”da tashkil etilgan mazkur tadbirda dastlab talabalar oʻzlarining innovatsion va ijodiy ishlanmalarini taqdim qilishdi. “Oʻzbekiston uchun 100 gʻoya” respublika tanloviga taklif qilinayotgan mazkur ishlanmalar A.Mahmudaliyev tomonidan katta qiziqish bilan oʻrganib chiqildi va ushbu gʻoyalarni amalga oshirishda qoʻllab-quvvatlashini maʼlum qildi.

Shundan soʻng hokim va talaba yoshlar oʻrtasida bevosita ochiq muloqot formatida uchrashuvga start berildi. Unda talaba-yoshlar tomonidan bildirilgan takliflar va gʻoyalar viloyat hokimi v.b. A.Mahmudaliyevning doimiy ravishda shaxsan eʼtiborida va nazoratida boʻlishi bildirildi. Kelgusida mazkur formatdagi uchrashuvlar sonini koʻpaytirishga kelishib olindi.

Ijtimoiy tarmoqlarda baham ko'ring