2023-yil 6-iyun kuni Guliston davlat universiteti “O‘zbek tilshunosligi” kafedrasi o‘qituvchilari Zulayho To‘ychiyeva va Farrux Muxudullayevlar Halima Xudoyberdiyeva nomidagi ijod maktabida ona tili va adabiyot fani o‘qituvchilari va bitiruvchilari ishtirokida kasbga yo‘naltirish bo‘yicha davra suhbati tashkil etishdi.
Suhbat davomida Guliston davlat universiteti professor-o‘qituvchilarining ilmiy salohiyati, universitetning respublikaning yetakchi oliy ta’lim muassasalari va jahonning nufuzli oliy ta’lim muassasalari bilan hamkorlik aloqalari, universitetda o‘tkaziladigan ma’naviy-ma’rifiy tadbirlar, talabalarga yaratilgan sharoitlar, oliygohning iqtidorli talabalari va ularning qo‘lga kiritayotgan yutuqlari haqida batafsil ma’lumot berildi. Bitiruvchi o‘quvchilar o‘zlarining qiziqtirgan savollariga mutaxassislar tomonidan javob olishdi.

Ijtimoiy tarmoqlarda baham ko'ring