Yangi o‘quv yilining ochilishiga bag‘ishlangan “Yangi hayot uchun, Yangi O‘zbekiston uchun!” shiori ostida bo‘lib o‘tgan tadbirdan so‘ng yangi o‘quv yili “Mustaqillik” darslari bilan boshlandi.

Universitet rektori, prorektorlar va malakali professor-o‘qituvchilar tomonidan o‘tilgan darslarda mustaqillikning tarixiy mohiyati, uni qo‘lga kiritish uchun kurashgan, ozod va obod vatanda farovon hayot kechirishni orzu qilgan ota-bobolarimiz, mustaqillikni qo‘lga kiritishdagi qiyinchiliklar bilan bir qatorda o‘tgan 32  yillik tariximiz davomida qo‘lga kiritilgan yutuqlar, tarixiy natijalar, amalga oshirilayotgan islohotlarning samarasi kabi mavzularda talabalar bilan suhbatlar, savol-javoblar, mulohazalar olib borildi.

Ijtimoiy tarmoqlarda baham ko'ring