ugun 27-sentabr sanasida Guliston davlat universitetida Oʻzbekiston Respublikasi Oliy taʼlim, fan va innovatsiyalar vazirligi, Guliston davlat universiteti, Balikesir universiteti, Qozon federal universiteti, shuningdek Samara politexnika tayanch universitetlari bilan hamkorlikda “Sirdaryo viloyatini innovatsion hududga aylantirish: muammo, yechim va xalqaro tajriba” mavzusidagi xalqaro forsayt formatidagi ilmiy-amaliy anjuman oʻz ishini boshladi.

27-28-sentabr kunlari boʻlib oʻtishi rejalashtirilgan mazkur xalqaro konferensiyaning ochilish marosimiga bagʻishlangan yalpi majlis Guliston davlat universiteti Madaniyat saroyida boʻlib oʻtdi.

Yalpi majlisni Guliston davlat universiteti rektori M.Xodjiyev kirish soʻzi bilan ochib beradi. Universitet rektori oʻz nutqida Yangi Oʻzbekiston sharoitida Sirdaryo viloyati ilmiy va innovatsion makonga aylanib borayotganligini, rivojlangan davlatlar tajribasidan kelib chiqib, hududlarni innovatsion rivojlantirish taʼlim tizimini, jumladan fan, taʼlim va ishlab chiqarish integratsiyasini taʼminlanishini taqozo qilayotganligini, bugungi kunda Yangi Oʻzbekiston sharoitida uzluksiz taʼlim tizimining barcha boʻgʻinlarini toʻliq isloh qilish, bunda ishlab-chiqarish tarmoqlariga malakali mutaxassislarni tayyorlash yuqorida qayd qilinganidek fan, taʼlim va ishlab chiqarish integratsiyasi masalalariga alohida yondashuvni talab qilishi borasida fikr bildirdi.

Shuningdek, konferensiyaning ochilish marosimida soʻzga chiqganlar xalqaro anjumanning ahamiyatini, ilm va innovatsiya oʻzaro bir-birini toʻldirib boruvchi omil ekanligini, Sirdaryo viloyatini innovatsoin makonga aylantirishda Guliston davlat universiteti  ilmiy va innovatsion markaz vazifasini bajara olishi imkoniyatlari toʻgʻrisida fikr bildirishdi.

Anjuman shoʻbalar kesimida 28-sentabr sanasiga qadar oʻz ishini davom ettiradi.