Avval xabar berganimizdek, Guliston davlat universiteti rektori M.Xodjiyevning fakultetlar va ta’lim yo‘nalishlari kesimida talabalar bilan ochiq muloqot shaklidagi uchrashuvlariga 24.10.2023-yil sanasida start berilgan edi.

08.11.2023-yil sanasida navbatdagi ochiq muloqot uchrashuvi Yangiyer shahrida joylashgan Psixologiya va ijtimoiy fanlar fakulteti talaba-yoshlari bilan tashkil etildi.

     Universitet rektori talabalar bilan birma-bir suhbatlashib, ularning fikr va takliflarini o‘rganib chiqdi. Ular bilan odob-axloq, ichki tartib qoidalar borasida suhbatlashdi. Muloqotda rektor tomonidan talabalar amaliyotini tarix yo‘nalishida ta’lim oluvchi talabalar uchun Eski Xovos, Sardoba yodgorliklarida, ijtimoiy ish yo‘nalishi talabalari uchun ijtimoiy himoya milliy agentligi bo‘limlarida va amaliy psixologiya yo‘nalishi bitiruvchilari uchun oila markazining hududiy bo‘linmalarida tashkil etish yuzasidan bildirgan taklifi talaba-yoshlar tomonidan mamnuniyat bilan qo‘llab-quvvatlandi.

    Bugungi ochiq muloqotda prorektorlar, bo‘lim boshliqlari, kafedra mudirlari, rektor maslahatchisi, dekan o‘rinbosarlari va tyutorlar, profilaktika inspektorlari, xotin-qizlar Kengashi raisi va psixologdan iborat jamoa  ham talabalar bilan bevosita muloqot olib borishdi.

    Universitet rektorining talaba-yoshlar bilan ochiq muloqot uchrashuvlari davom etmoqda.

Ijtimoiy tarmoqlarda baham ko'ring