Guliston davlat universiteti rektori, professor M.T.Xodjiyevga biriktirilgan Sirdaryo viloyati Mirzaobod tumani Nurafshon MFYda istiqomat qilayotgan 30 nafar yoshlar bilan ochiq muloqot uchrashuvlari davom etmoqda. Shunday uchrashuvlardan navbatdagisi 17-noyabr sanasida bo‘lib o‘tdi. Unda Mirzaobod tumani hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari S.Kenjayev ham ishtirok etdi. Muloqot jarayonida yoshlarning bandligini ta'minlash va kasbga yoʻnaltirish, ulardagi ma’naviy muhitni yanada sog‘lomlashtirish, yoshlar muammolarini o‘rganish va mazkur muammolar yechimini hal qilishga oid masalalar muhokama etilmoqda.

Uchrashuv jarayonida oliy ta’lim uchun tayyorgarlik ko‘rish va bilimini chuqurlashtirish istagini bildirgan yoshlar uchun Guliston davlat universitetida bepul o‘quv kurslari tashkil etilishiga kelishildi. Bundan tashqari, boshqa muammolar yechimi yuzasidan mas’ul tashkilot va idoralarga murojaat xatlari yuborildi.

Ijtimoiy tarmoqlarda baham ko'ring