Muzeylar ajdodlardan avlodlarga meros bo‘lgan boylikni kelajak avlodga yetkazib beradigan ilmiy, ma’naviy-ma’rifiy xazina hisoblanadi. Bugun Gulsiton davlat universiteti rektori M.Xodjiyev boshchiligida universitet rahbariyati jamoasi Sirdaryo viloyatidagi ana shunday ma’naviyat, ma’rifat markazlarida bo‘lishdi va muzeylardagi tarixiy eksponatlar, ma’naviy boyliklar bilan tanishishdi.

Dastlabki manzil Guliston davlat universiteti huzuridagi “Qatag‘on qurbonlari xotirasi muzeyi” bo‘ldi. Ushbu manzilda muzey xodimlari qatag‘on siyosati natijasida qurbon bo‘lgan ma’rifatparvar, vatanparvar yurtdoshlarimizning ayanchli taqdiriga doir tarixiy hujjatlar hamda osha davrdagi manfur mustamlakachilik siyaisatini yodga soluvchi eksponatlar bilan tanishtirishib, ushbu davrda o‘zbek xalqi boshidan kechirgan zulm haqida batafsil ma’lumot berishdi.

Shundan keyin navbatdagi tashrif joyi Sirdaryo viloyati O‘lkashunoslik muzeyi bo‘ldi. Mazkur muzey Viloyat tarixiga doir eksponatlar va yodgorliklarni jamlagan yirik madaniyat markazlaridan biri hisoblanadi. Unda viloyat hududidan topilgan qadimgi davrdan to bugungi kun tariximizga aloqador ko‘rgazmalar joy olgan. Muzey ilmiy xodimlari tomonidan vilioyat hududining tarixi, unda kechgan urbanizatsion jarayonlar bosqichlari to‘g‘risida qimmatli ma’lumotlar berildi.