Bugun Guliston davlat universiteti rektori, professor M.T.Xodjiyevga biriktirilgan Sirdaryo viloyati Mirzaobod tumani “Nurafshon” hamda “Bog‘iston” MFYda istiqomat qilayotgan yoshlar bilan navbatdagi ochiq muloqot uchrashuvi bo‘lib o‘tdi,

Universitet rektori har bir yosh bilan birma-bir muloqot qilib, ularning muammolarini o‘rganib chiqdi. Muloqot vaqtida yoshlar tomonidan malakali psixolog ko‘magiga muhtoj ekanliklarini, shuningdek chet tilini o‘rganishga qiziqishlarini ma’lum qilishdi, kelajakda IELTS xorijiy til sertifikati bo‘yicha imtihon topshirish niyatlari ham borligini aytishdi.

Rektor M.Xodjiyev tomonidan mahalla yoshlariga malakali psixolog ko'magi, ingliz tilidan bepul o‘quv kurslarini tashkil etish, shuningdek ishsiz yoshlarning bandligini ta’minlash maqsadida SOLIQ.UZ platformasida o‘zini-o’zi band qilish toifasida ro‘yxatdan o‘tishlari uchun mas’ullarga tegishli topshiriqlar berildi.

Universitet rektorining MFY yoshlari bilan ishlar davom etmoqda.

Ijtimoiy tarmoqlarda baham ko'ring