Guliston davlat universitetining Xitoylik hamkorlar safi kengaymoqda
11.07.2024-yil sanasida Xitoy xalq respublikasining nufuzli taʼlim mussasalaridan biri Yangling kasb-hunar va texnika kolleji (Yangling Vocational & Technical College) prezidenti Zhong Weizhou rahbarligidagi delegatsiyasi Guliston davlat universitetiga tashrif buyurdi.
Mehmonlarni universitet rektori M.Xodjiyev boshchiligida, prorektor Z.Zikriyayev, Xalqaro aloqalar boʻlimi boshligʻi G.Norimova va O'quv-uslubiy boshqarma boshlig'i I.Xudoyberdiyevdan tashkil topgan universitet jamoasi vakillari kutib olishdi va rasmiy muzokaralar oʻtkazishdi.
Muzokaralar jarayonida ikki davlat oʻrtasidagi rivojlanib borayotgan aloqalar negizida oliy taʼlim hamda innovatsion yoʻnalishda ilmiy tadqiqot ishlarini olib borishga qaratilgan oʻzaro manfaatli hamkorlik aloqalarini kengaytirish masalalari muhokama etildi. Bunda ikki hamkor taʼlim muassasasining mavjud imkoniyatlari va potensiallari tahlil etildi.
Muzokaralar yakunida tomonlar kelgusida hamkorlikning taʼlim, ilmiy va innovatsion yoʻnalishlarini rivojlantirishga qaratilgan memorandum imzolashdi.
Ijtimoiy tarmoqlarda baham ko'ring
