Yurtimizda anʼanaga aylangan, mamlakatimiz turizm salohiyatini keng targ‘ib etishga xizmat qiluvchi “Qovun sayli” festivali 28–29-avgust kunlari Guliston shahrida bo‘lib o‘tmoqda. Ushbu festival Sirdaryo viloyatining qishloq xo‘jaligi mahsulotlari, xususan, qovun va poliz neʼmatlarining mashhurligini yanada keng ommaga tanitishga xizmat qilmoqda. Tadbir doirasida Guliston davlat universiteti jamoasi ham o‘z povilyoni bilan faol ishtirok etmoqda. Unda turli navdagi qovunlar, shuningdek, poliz mahsulotlaridan tayyorlangan noyob taomlar va ichimliklar mehmonlarga namoyish etilmoqda. Sayilga tashrif buyurgan xorijlik va mahalliy sayyohlar, respublikamizning turli hududlaridan kelgan mehmonlar hamda OAV vakillari universitet povilyoniga alohida qiziqish bildirishmoqda. Ayniqsa, qovun mahsulotlaridan yaratilgan taomlar mehmonlarda katta taassurot qoldirmoqda. “Qovun sayli” — milliy qadriyatlarimiz, turizm salohiyatimiz va Sirdaryoning saxovatli tuprog‘idan yetishgan neʼmatlar bayramidir!

Ijtimoiy tarmoqlarda baham ko'ring