Forumning ikkinchi kuni – 17-oktabr kuni oliy ta’lim muassasalari o‘rtasida B2B uchrashuvlar hamda hamkorlik shartnomalarini imzolash marosimlari bo‘lib o‘tdi.

Ushbu uchrashuvlar doirasida Guliston davlat universiteti Ozarbayjonning yetakchi oliygohlari – Boku davlat universiteti, Ozarbayjon davlat pedagogika universiteti va Boku Slavyan universiteti bilan hamkorlik shartnomalarini imzoladi.

Imzolangan hujjatlar talabalar va professor-o‘qituvchilar akademik almashinuvi, qo‘shma ta’lim dasturlari va ilmiy loyihalarni amalga oshirish, qo‘shma konferensiyalar, seminarlar va malaka oshirish tadbirlarini tashkil etish, shuningdek, ilmiy nashrlar va o‘quv-uslubiy tajriba almashish kabi yo‘nalishlarda hamkorlikni nazarda tutadi.

Ayniqsa, pedagog kadrlar tayyorlash, filologiya va tillarni o‘qitish sohalarida yangi imkoniyatlar ochilishi kutilmoqda.

Ijtimoiy tarmoqlarda baham ko'ring