“Jahon matbuot erkinligi kuni”ga bag’ishlangan tadbir o’tkazildi
2018 yil 1 may kuni Guliston shahrida ulug’ mutafakkir, so’z mulkining sultoni Alisher Navoiy hiyobonida bunyod etilgan “Bilimdonlar maskani”da Guliston davlat universiteti talabalari ishtirokida “Jahon matbuot erkinligi kuni”ga bag’ishlangan “Kitob dunyosi” gazetasining o’zbek adabiyotiga ta’siri” mavzusida ma’naviy-ma’rifiy tadbir bo’lib o’tdi.
Mazkur tadbirda Guliston davlat universiteti o’quv ishlar bo’yicha prorektor F.Sharipov, OAV xodimlari, Fizika-matematika fakultetining professor-o’qituvchilari va 450 nafar talabalar ishtirok etdi.
Tadbirda Guliston davlat universiteti professori X.Mirxaydarov “Kitob dunyosi” gazetasining o’zbek adabiyoti targ’ibotidagi roli” mavzusida ma’ruza qildi hamda yosh ijodkor talabalar o’rtasida mushoira o’tkazildi. Mushoira davomida talabalar o’z ijod namunalari hamda elimizning taniqli shoirlarining she’rlaridan aytishdilar.
Ijtimoiy tarmoqlarda baham ko'ring
