Barqaror rivojlanish maqsadlarining birinchi maqsadi "Qashshoqlikning barcha shakllariga barham berish" (keyingi o‘rinlarda SDG 1 deb yuritiladi) deyiladi. SDG 1 da qatnashayotgan davlatlarga “ O‘ta qashshoqlikka barham berish, barcha turdagi qashshoqlikni qisqartirish hamda ijtimoiy hayotni yuksaltirish” vazifalari qoyildi.

SDG 1 quyidagi maqsad va vazifalarni o‘z ichiga oladi:

1.1. 2030 yilgacha fuqarolarning o‘ta qashshoqlik shaklini bartaraf etish.

1.2. 2030 yilgacha kam ta’minlangan erkaklar, xotin-qizlar va barcha yoshdagi bolalarning ulushini kam ta’minlanishning barcha ko‘rinishlarida ikki barobariga qisqartirish.

1.3. Aholini ijtimoiy himoya qilish tizimining manzilliligi va samaradorligini kuchaytirish, ijtimoiy himoya qilish xizmatlari sifatini oshirish, ijtimoiy himoya qilish choralari doirasiga muhtojlarning barchasi to‘liq qamrab olinishiga erishish. 

1.4. 2030 yilgacha butun aholining, jumladan kam ta’minlangan va ijtimoiy himoyaga muhtoj shaxslarning bazaviy zaxiralar (er uchastkalari, yangi texnologiyalar, bank kreditlari va boshqalar)dan foydalanishlari uchun qulay iqtisodiy va moliyaviy shart-sharoitlarni ta’minlash.

1.5. 2030 yilgacha aholining ijtimoiy zaif qatlamlarining yashash sharoitlarini yaxshilash, ularning iqlim o‘zgarishi yuzaga keltirgan kutilmagan holatlar va boshqa iqtisodiy, ijtimoiy hamda ekologik larzalar va musibatlar oldidagi himoyalanmaganligi va zaifligini kamaytirish.

1.a. Aholining kam ta’minlanganligini uning barcha shakllarida tugatish bo‘yicha dasturlar va strategiyalarni amalga oshirishga yetarli va bashorat qilinadigan mablag‘ni ta’minlash uchun turli manbalardagi, jumladan, rivojlanish maqsadida hamkorlikni joylantirish asosidagi salmoqli zaxiralarning safarbar etilishiga erishish.

1.b. Aholining kam ta’minlanganligini tugatish bo‘yicha tadbirlarga tezkor sarmoya kiritilishiga ko‘maklashish uchun kam ta’minlangan fuqarolarning manfaatlarini hamda gender jihatlarni inobatga oladigan rivojlanish, monitoring va baholashni strategik prognozlashtirish mexanizmlarini takomillashtirish.