2018 yil 29 may kuni Guliston davlat universiteti binosida O’zbekiston “Adolat” SDP Sirdaryo viloyati Kengashi hamda Guliston davlat universiteti hamkorligida “Innovatsion texnologiyalarni joriy qilish – taraqqiyot garovi” mavzusida innovatsion ko’rgazma bo’lib o’tdi.

Tadbirni o’tkazishdan asosiy maqsad universitetning innovatsion infratuzilmasini kuchaytirish, talabalarning innovatsion faoliyatiga bo’lgan qiziqishlari va intilishlarini qo’llab-quvvatlash, ular tomonidan kichik innovatsion korxonalar tuzishni rag’batlantirish, yoshlarning innovatsion faolligini oshirishdan iboratdir.

Ko’rgazmada Guliston davlat universiteti hamda tuman va shaharlardan tashrif buyurgan o’rta maxsus, kasb-hunar kollejlari, “Barkamol avlod” bolalar markazlaridagi iqtidorli yoshlar o’zlari yaratgan loyihalar va texnologiyalarni namoyish qilishdi.

Tadbirda Guliston davlat universiteti rektori, prof. M.T.Xodjiev, O’zbekiston “Adolat” SDP Siyosiy Kengashi a’zosi, “Adolat” gazetasi bosh muharriri I.Xamroev, Sirdaryo viloyat Kengashi deputati S.Elmurodov, O’zbekiston “Adolat” SDP tuman Kengashlari raislari, professor-o’qituvchilar, talabalar, yosh ijodkor o’quvchilar, OAVlari xodimlari ishtirok etdi.

Tadbir so’ngida eng yaxshi deb topilgan loyiha va texnologiya egalari tashkilotchilar tomonidan faxriy yorliq va esdalik sovg’alari bilan taqdirlandi.

Ijtimoiy tarmoqlarda baham ko'ring