2018-2019 o’quv yilidan boshlab Guliston davlat universitetida ta’lim yo’nalishlarining akademik guruhlarida boshqaruvning “guruh sardori” (starosta) tizimidan voz kechilib, guruhlarni boshqarishda innovatsion yondashuv: guruhdagi ijtimoiy faol, Yoshlar ittifoqi universitet boshlang’ich tashkiloti etakchilari-liderlar tomonidan boshqarilishining o’ziga xos shakli joriy qilindi.

Shu maqsadda universitet rektori M.T.Xodjiev har bir fakultetlar kesimida ijtimoiy faol talabalar-liderlar bilan davra suhbatlari tashkil etildi. Ushbu davra suhbatlari ochiq muloqot tarzida o’tkazildi. Unda universitet rahbariyati tomonidan yangi o’quv yilidan joriy e’tilayotgan ushbu bashqaruv shaklining mazmun-mohiyati, bundan keyin oliygohdagi o’quv, ma’naviy-ma’rifiy  ishlarni tashkil etishda guruh liderlari ham faol ishtirok etishi, dars jarayonlarining mazmunini boyitishda va semestr yakunlari bo’yicha reyting ballarining belgilanishida shaffoflikni ta’minlash, turli ko’rinishdagi ko’ngilsiz hodisalarning oldini olishda liderlarning mas’uliyati tushuntirib o’tildi.

Ochiq va erkin muloqot shaklida tashkillashtirilgan davra suhbati jarayonida universitet rektori M.T.Xodjiev har bir akademik guruh liderlari bilan birma-bir  suhbatlashib, ular tomonidan bildirilgan har bir taklif va mulohazalarni o’rganib chiqilishini, bundan keyin har oyda liderlar bilan shu kabi ochiq muloqotlar davom etishini ta’kidlab o’tdi. Suhbat bo’yicha bildirilgan takliflar yuzasidan tegishli topshiriqlar berildi.

Matbuot xizmati

Ijtimoiy tarmoqlarda baham ko'ring