23 yoshgacha bo’lgan o’zbekistonlik futbolchilarning Xitoyda bo’lib o’tgan Osiyo chempionati shohsupasidan joy olganligi xabari Sirdaryo viloyatida,  shu jumladan Guliston davlat universitetida ham zo’r hayajon va iftixor tuyg’usi bilan qarshi olindi. Universitetning 4 mingdan ziyod talabalar jamoasi ayniqsa, Vetnam terma jamoasi bilan bo’lib o’tgan so’nggi  final matchini  katta qiziqish bilan tomosha qildi.

          29- yanvar kuni universitetda futbolchilarimizning tarixiy g’alabasiga bag’ishlangan yig’ilish bo’lib o’tdi. Unda so’zga chiqqan ustozlar, sportchilar, futbol ishqibozlari bu tarixiy g’alaba mamlakat futbolining mavqeini  jahon ommasi oldida yana bir pog’ona yuqori ko’tarish bilan birga  yurtimizda futbolni ommalashtirish yo’lida muhim qadam bo’lganligini ta"kidladilar,

Ijtimoiy tarmoqlarda baham ko'ring