Avval xabar berganimizdek, Guliston davlat universiteti talabasi Yorqinon Hayitboyev “Yosh kitobxon” tanlovining respublika bosqichida 15-19 yoshlilar o‘rtasidagi bellashuvda g‘olib bo‘lgan edi.

13.04.2022-yilda Guliston davlat universiteti Kuzatuv Kengashi raisi, O‘zbekiston Respublikasi Innovatsion rivojlanish vaziri- Abduraxmonov Ibroxim Yo‘lchiyevich ishtirokida g‘olibni  taqdirlash marosimi bo‘lib o‘tdi. Tadbirda g‘olibga bosh sovrin-Spark avtomobili taqdim etildi.

Tadbirda ishtirok etgan Yorqinjonning ota-onasi bunday katta marra bilan barcha ustoz-murabbiylarga o‘z minnatdorchiliklarini bildirdilar. Guliston davlat universiteti rektori M.Xodjiyev tadbirda tabrik so‘zladi va marrakar bilan Yorqinjonni, uning ota-onasi va ustozlarini muborakbod etdi.

Ijtimoiy tarmoqlarda baham ko'ring