2018 yil 17 fevral kuni Guliston davlat universitetida O’zbekiston Respublikasida qabul qilinayotgan normativ-huquqiy hujjatlarning mazmun-mohiyatini yoshlar o’rtasida targ’ib qilishga bag’ishlangan huquqiy-targ’ibot tadbiri o’tkazildi.

Tadbirda Guliston davlat universiteti rektori, professor M.T.Xodjiev, Sirdaryo viloyati Adliya boshqarmasi boshlig’i Sh.Saidov, Sirdaryo viloyati Fuqarolik ishlari bo’yicha sudi raisi J.Xudoynazarov, Sirdaryo viloyat Iqtisodiy sudi raisi A.Xudoyberdiev, Guliston tumanlararo iqtisodiy sudi sudyasi X.Nabiev, Ma’naviy-ma’rifiy ishlari bo’yicha prorektor R.Mahmudov, OAV vakillari, professor-o’qituvchilari va talabalar ishtirok etdi.

Tadbirda so’zga chiqqan ma’ruzachilar yoshlarning yuksak huquqiy madaniyatini shakllantirish – jamiyatda qonun ustuvorligini ta’minlashning mustahkam asosi, O’zbekiston Respublikasida qabul qilinayotgan normativ-huquqiy hujjatlarning mazmun-mohiyati, O’zbekiston Respublikasi Prezidenti Shavkat Mirziyoevning 2017 yil 22 dekabr kuni Oliy Majlisga qilgan Murojaatnomasining mazmun-mohiyati hamda O’zbekiston Respublikasi Prezidentining 2017 yil 7 fevraldagi “O’zbekiston Respublikasini yanada rivojlantirish bo’yicha Harakatlar strategiyasi to’g’risida”gi PF-4947-sonli Farmoni mazmun-mohiyati haqida ma’lumotlar berib o’tishdi.